‘ഇത് കേരളമാണ് തള്ളുമ്പോള്‍ അല്പം മയത്തില്‍ തള്ളാന്‍’ അമിത് ഷായോട് തോമസ് ഐസക് !

ജനരക്ഷാ യാത്രയുടെ സമാപനചടങ്ങില്‍ അമിത് ഷായുടെ തള്ളലിനെ പൊളിച്ചടുക്കി ധനകാര്യമന്ത്രി തോമസ് ഐസക് രംഗത്ത്. ഇടതുമുന്നണിയുടെ സഹായത്തോടെ അധികാരത്തിലെത്തിയ യു പി എ സര്‍ക്കാര്‍ 13-ാം ധനകാര്യ കമ്മീഷന്‍ മുഖേനെ കേരളത്തിന് നല്‍കിയത് വെറും 45,393കോടി രൂപയാണ് എന്നാല്‍ നരേന്ദ്രമോദി പ്രധാനമന്ത്രിയായതിന് ശേഷം 14-ാംധനകാര്യകമ്മീഷന്‍ പ്രകാരം കേരളത്തിന് 1,34,848 കോടി രുപ നല്‍കിയെന്നും 89000കോടി രൂപയുടെ വര്‍ധനവാണ് ഉണ്ടായതെന്നുമുള്ള വാതോരാതെയുള്ള പ്രസംഗമായിരുന്നു ബി ജെ പി ദേശീയ അദ്ധ്യക്ഷന്‍ അമിത് ഷാ നടത്തിയത്. ബിജെപി യുടെ ദേശീയ അധ്യക്ഷന്‍ തന്നെ ഇങ്ങനെ വീമ്പടിക്കുമ്പോള്‍ കേരളത്തിലെ നേതാക്കളുടെയും അണികളുടെയും അവസ്ഥ പറയാന്‍ കഴിയില്ലെന്ന് തുടങ്ങുന്ന ഫേസ്ബുക്ക് പോസറ്റിലൂടെയാണ് തോമസ്‌ ഐസക് രംഗത്തെത്തിയിരിക്കുന്നത്.