ഭീകരവാദത്തിന് മതമില്ലെന്ന് ദലൈലാമ

ഭീകരവാദത്തിന് മതമില്ലെന്ന് ടിബറ്റന്‍ ആത്മീയാചാര്യന്‍ ദലൈലാമ. ലോകത്ത് ദലൈലാമ. ഭീകരവാദത്തിലേക്ക് എത്തിയാല്‍ പിന്നെ അവര്‍ മുസ്ലീം ഭീകരവാദിയോ ക്രിസ്ത്യന്‍ ഭീകരവാദിയോ അല്ലെന്നും അദ്ദേഹം പറഞ്ഞു. മൂന്ന് ദിവസത്തെ സന്ദര്‍ശനത്തിന് മണിപ്പൂരിലെ ഇംഫാലില്‍ എത്തിയതായിരുന്നു ദലൈലാമ.

മതവിശ്വാസം പുലര്‍ത്തുന്നതും മതപ്രചരണം നടത്തുന്നതും തമ്മില്‍ വിത്യാസമുണ്ട്. അവര്‍ അത് സംരക്ഷിക്കുകയും ചെയ്യണം. എന്നാല്‍ ഒരു വിഭാഗം മറ്റുവിഭാഗങ്ങളെ പരിവര്‍ത്തനം നടത്തുന്നത് ശരിയല്ലെന്നും ദലൈലാമ പറഞ്ഞു. ഇന്ത്യ വ്യത്യസ്ത മതങ്ങളുടെ രാജ്യമാണ്. അഹിംസയുടെ ആയിരം വര്‍ഷത്തെ പാരമ്പര്യമാണ് ഇന്ത്യക്കുള്ളത്. ഈ പൗരാണിക ജ്ഞാനത്തിന് ലോകത്തെ സമാധാനത്തിലേയ്ക്ക് നയിക്കാനാകുമെന്നും സമാധാനത്തിന് നോബേല്‍ സമ്മാനാര്‍ഹനായ അദ്ദേഹം പറയുന്നു.