ഇന്‍ഡ്യന്‍ വിനോദസഞ്ചാരികള്‍ സുരക്ഷിതര്‍:കണ്ണന്താനം

ന്യൂഡല്‍ഹി:അമേരിക്ക പോലുള്ള രാജ്യങ്ങളില്‍ പോലും വെടിവെയ്പ് സര്‍വ്വാസാരണമാകുമ്പോള്‍ ഇന്‍ഡ്യയില്‍ വിനോദസഞ്ചാരികള്‍ സുരക്ഷിതരാണെന്ന് കേന്ദ്ര ടൂറിസം വകുപ്പ് മന്ത്രി അല്‍ഫോണ്‍സ് കണ്ണന്താനം പറഞ്ഞു.യൂറോപ്പിലും ഭീകരാക്രമണങ്ങള്‍ പതിവായി നടക്കുന്നു.എന്നിട്ടും അവിടേക്ക് ആളുകള്‍ പോകുന്നു.യുപിയിലെ ഫത്തേപ്പൂര്‍ സിക്രിയില്‍ വിനോദസഞ്ചാരികള്‍ക്ക് നേരേ നടന്നത് ഒറ്റപ്പെട്ട സംഭവമാണെന്ന് കണ്ണന്താനം പറഞ്ഞു

ഫത്തേപ്പൂര്‍ സിക്രിയില്‍ സ്വിസ് വിനോദസഞ്ചാരികള്‍ ആക്രമണത്തിനിരയായ സംഭവത്തിനേ കുറിച്ച് വിശദീകരിക്കുകയായിരുന്നു അദ്ദേഹം.കഴിഞ്ഞ ദിവസമാണ് ഫത്തേപ്പൂര്‍ സിക്രിയില്‍ അഞ്ചു പേര്‍ ചേര്‍ന്ന് സ്വിസ് കമിതാക്കളായ വിനോദസഞ്ചാരികളെ ആക്രമിച്ചത്.ആക്രമണത്തില്‍ ഇവര്‍ക്ക് സാരമായ പരിക്കേറ്റിരുന്നു.ഇതിലൊരാള്‍ക്ക് കണ്ണിന്റെ കാഴ്ച നഷ്ടപ്പെട്ടതായും വാര്‍ത്തയുണ്ടായിരുന്നു.സംഭവവവുമായി ബന്ധപ്പെട്ട് പ്രായപൂര്‍ത്തിയാകാത്ത മുന്നുപേരേ ഉള്‍പ്പടെ അഞ്ചുപേരേ കസ്റ്റഡിയിലെടുത്തിരുന്നു