ബ്രക്‌സിറ്റ്:യൂറോപ്യന്‍ യൂണിയനുമായി ധാരണയായില്ല; പൗണ്ടിന്റെ മൂല്യം ഇടിഞ്ഞേക്കും

ബ്രിട്ടന്‍:യൂറോപ്യന്‍ യൂണിയന്‍ വിട്ടുപോരുന്ന ബ്രിട്ടന്‍ അവരുമായി വ്യാപാര-തൊഴില്‍ കരാര്‍ ഉണ്ടാക്കാന്‍ ശ്രമിച്ചിട്ടും ഇതുവരെ ധാരണയിലെത്തിയില്ല.പിരിഞ്ഞു പോരുന്ന ബ്രിട്ടന്‍ ഇയുവിന് 100 മില്യണ്‍ ഡോളറെന്നതിനു പകരം 48 മില്യണ്‍ ഡോളര്‍ നല്‍കണമെന്ന് ഇയു നേതാക്കള്‍ നേരത്തേ ആവശ്യപ്പെട്ടിരുന്നു.എന്നാല്‍ ഇതൊന്നും സംബന്ധിച്ച് ഇതുവരെ ധാരണയായിട്ടില്ലെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത് യൂറോപ്യന്‍ യൂണിയനില്‍ നിന്നു പുറത്തു കടക്കുന്ന പക്ഷം സുരക്ഷിതമായ കരാര്‍ എന്ന തെരേസാമേയുടെ സ്വപ്നമാണ് ഇതോടെ തകരുന്നത്.കാര്യമായ വ്യാപാര തൊഴില്‍ കരാര്‍ ഇല്ലാതെ പുറത്തു പോരേണ്ട സ്ഥിതിയുണ്ടായാല്‍ അത് രാജ്യത്ത് ദൂരവ്യാപകമായ പ്രത്യാഘാതങ്ങള്‍ ഉണ്ടാക്കിയേക്കുമെന്ന ആശങ്കയും നിലവിലുണ്ട്

ബ്രക്‌സിറ്റില്‍ നിന്നു പുറത്തു പോരുമ്പോള്‍ സ്വീകരിക്കുന്ന നോ ഡീല്‍ തന്നെയാകും അടുത്ത ക്യാബിനറ്റ് യോഗത്തിന്റെ പ്രധാന അജണ്ട

മാസങ്ങളായി ബ്രക്‌സിറ്റഅ സെക്രട്ടറി ഡേവിഡ് ഡേവിസും സംഘവും ബ്രസല്‍സില്‍ യൂറോപ്യന്‍ യൂണിയനുമായി നടത്തി വന്ന ചര്‍ച്ചകളും വിഫലമാകുകയാണ്.അടുത്ത ഡിസംബറില്‍ നടക്കുന്ന ചര്‍ച്ചയില്‍ വ്യാപാര കരാര്‍ സംബന്ധിച്ച് എന്തെങ്കിലും കാര്യമായ പുരോഗതി ബ്രിട്ടന്‍ പ്രതീക്ഷിക്കുന്നുണ്ട്.എന്നാല്‍ തല്‍സ്ഥിതി തുടരുന്നത് പൗണ്ടിനെ ദോഷകരമായി ബാധിച്ചേക്കും.പൗണ്ടിന്റെ വിലയിടിവിനും സാധ്യതയുണ്ട്‌