യുവമോര്‍ച്ചയുടെ ചുമതലകളില്‍ നിന്നും കെ.സുരേന്ദ്രനെ ഒഴിവാക്കി

യുവമോര്‍ച്ചയുടെ ചുമതലകളില്‍ നിന്നും കെ.സുരേന്ദ്രനെ ഒഴിവാക്കി പകരം എം.ടി രമേശിനെ നിയോഗിച്ചു. പാര്‍ട്ടിയുടെ സംസ്ഥാന ആസ്ഥാനത്തിന്റെ ചുമതലയും നിലവില്‍ രമേശിനാണ്. യുവമോര്‍ച്ചയുടെ ചുമതലയില്‍ നിന്നും സംസ്ഥാന ജനറല്‍ സെക്രട്ടറി കെ. പാര്‍ട്ടി ആസ്ഥാനം ഉള്‍പ്പെടെ ദക്ഷിണമേഖലയുടെ ചുമതല ഉണ്ടായിരുന്ന കെ.സുരേന്ദ്രനെ വടക്കന്‍ മേഖലയിലേയ്ക്ക് മാറ്റി കര്‍ഷക മോര്‍ച്ചയുടെ ചുമതലയാണ് നല്‍കിയിരിക്കുന്നത്.

യുവമോര്‍ച്ചയ്‌ക്കൊപ്പം മധ്യമേഖല ഒ.ബി.സി മോര്‍ച്ച എന്നിവയുടെ ചുമതലകൂടി എം.ടി രമേശിന് നല്‍കിയിട്ടുണ്ട്. കുമ്മനത്തിന്റെ വിശ്വസ്തനായ വ്യക്തിയെന്ന് കണക്കാക്കപ്പെടുന്ന രമേശിനൊപ്പമാണ് പാര്‍ട്ടിയെന്ന് ഉറപ്പിക്കുന്ന മാറ്റങ്ങളാണ് സംഘടനാ ചുമതലയില്‍ നടന്നിരിക്കുന്നത്.