സോളാര്‍കേസ് ; പ്രത്യേക അന്വേഷണം ഇല്ല, പൊതു അന്വേഷണം മാത്രം !

സോളാറുമായി ബന്ധപ്പെട്ട കേസുകളില്‍ പ്രത്യേകം അന്വേഷണം ആവശ്യമില്ലെന്നും പൊതുവായ അന്വേഷണം മതിയെന്നുമാണ് ജസ്റ്റീസ് അരിജിത്ത് പസായത് നല്‍കിയ നിയമോപദേശമെന്നാണ് സൂചന. ലൈംഗിക പീഡനകേസുകളിലും അഴിമതി കേസുകളിലുമാണ് അന്വേഷണം നടക്കുക. സരിതയുടെ പരാതിയില്‍ പ്രാഥമിക പരിശോധനയ്ക്കു ശേഷം മാത്രം കേസെടുത്താല്‍ മതിയെന്ന നിലപാടിലേക്ക് സര്‍ക്കാര്‍ മാറി. അഴിമതി കേസുകളില്‍ പ്രത്യേകം അന്വേഷണം ആവശ്യമില്ലെന്നും പൊതു അന്വേഷണം മതിയെന്ന തീരുമാനത്തിലും മന്ത്രിസഭ എത്തിയെന്നുമാണ് റിപ്പോര്‍ട്ട്.

നിയമോപദേശം മന്ത്രിസഭ കൂടി അംഗീകരിച്ചതോടെ പ്രത്യേക അന്വേഷണ സംഘത്തെ നിയമിച്ചുകൊണ്ട് സര്‍ക്കാര്‍ ഇന്നുതന്നെ ഉത്തരവ് ഇറക്കും. സോളാറില്‍ ജുഡീഷ്യല്‍ കമ്മീഷന്‍ റിപ്പോര്‍ട്ട് നാളെ നിയമസഭയില്‍ വയ്ക്കാന്‍ ഇരിക്കേയാണ് മന്ത്രിസഭയുടെ തീരുമാനം.