രാജ്യത്തെ ഞെട്ടിച്ച കൊലപാതകത്തിന് പിന്നില്‍ പതിനൊന്നാം ക്ലാസ്സുകാരന്‍ ; ഏഴുവയസ്സുകാരന്റെ കഴുത്തറുത്തത് പരീക്ഷ മാറ്റിവെയ്ക്കാന്‍

ഹരിയാനയിലെ റയാന്‍ സ്‌കൂളിലെ വിദ്യാര്‍ഥി കൊല്ലപ്പെട്ട കേസ് വഴിത്തിരിവിലേക്ക്. കേസുമായി ബന്ധപ്പെട്ട് പതിനൊന്നാം ക്ലാസ് വിദ്യാർഥിയെ സിബിഐ കസ്റ്റഡിയിൽ എടുത്തു. കൊലക്കുറ്റം ചുമത്തിയാണ് വിദ്യാർഥിയെ സിബിഐ കസ്റ്റഡിയിലെടുത്തതെന്നാണ് വിവരം. ഈ കേസിൽ സ്കൂൾ ബസ് ഡ്രൈവറെ നേരത്തെ അറസ്റ്റ് ചെയ്തിരുന്നു.

ഗുരുഗ്രാമിലെ റയാന്‍ ഇന്റര്‍നാഷണല്‍ സ്‌കൂളിലെ രണ്ടാം ക്ലാസ്സ് വിദ്യാര്‍ഥി പ്രദ്യുമ്നന്‍ ഠാക്കൂറാണ് കൊല്ലപ്പെട്ടത്. കേസ് സിബിഐ അന്വേഷിക്കണമെന്ന ആവശ്യവുമായി പ്രദ്യുമ്നന്റെ പിതാവ് വരുൺ ചന്ദ്ര ഠാക്കൂർ ഹർജി നൽകിയിരുന്നു.

ക്ലാസ് പരീക്ഷ മാറ്റിവയ്ക്കുന്നതിനാണ് ഏഴുവയസ്സുകാരന്റ ശിരസ്സ് പതിനൊന്നാം ക്ലാസ്സുകാരന്‍ അറുത്തത്. കൊലപാതകം ഒളിപ്പിക്കാന്‍ ശ്രമിച്ചതിന് പ്രതിയുടെ പിതാവിനെയിം പൊലീസ് അറസ്റ്റ് ചെയ്തു. രാജ്യത്തെ മുഴുവന്‍ ഞെട്ടിച്ച സംഭവത്തിന്റെ നിജസ്ഥിതി വെളിപ്പെടുത്തിക്കൊണ്ടുള്ള വാര്‍ത്തക്കുറിപ്പ് സിബിഐ ഇന്ന് തന്നെ പുറത്തിറക്കുമെന്നാണ് സൂചന.