സോളാർ റിപ്പോർട്ടും നടപടി റിപ്പോർട്ടും ഇന്ന് സഭയിൽ

സോളർ കേസിൽ ജസ്റ്റിസ് ജി ശിവരാജൻ കമ്മിഷൻ റിപ്പോർട്ടും നടപടി റിപ്പോർട്ടും ഇന്ന് നിയമസഭയിൽ . നിയമസഭയിൽ വെയ്ക്കുന്നതിനൊപ്പം നിയമസഭാ–സർക്കാർ വെബ്സൈറ്റുകളിലും റിപ്പോർട്ട് പ്രസിദ്ധീകരിക്കും. റിപ്പോർട്ടിന്മേൽ ഇന്ന് ചേരുന്ന സഭയിൽ ചർച്ചയില്ല. സഭ പിരിയുന്ന ഘട്ടത്തിൽ റിപ്പോർട്ട് അംഗങ്ങൾക്കും മാധ്യമങ്ങൾക്കും നൽ‍കും.

അതേസമയം മന്ത്രി തോമസ് ചാണ്ടിയുടെ രാജി ആവശ്യപ്പെട്ടു സഭ പ്രക്ഷുബ്ധമാക്കാനുള്ള ആലോചനകളാണു പ്രതിപക്ഷത്ത്. തോമസ് ചാണ്ടി നിയമലംഘനം നടത്തിയെന്നു കലക്ടറുടെ റിപ്പോർട്ട് ലഭിച്ചിട്ടും കേസ് എടുത്തു നടപടിയിലേക്കു നീങ്ങാത്തതിന്റെ പേരിൽ ഇന്നു സഭയിൽ പ്രതിഷേധമുയർത്താനാണു പ്രതിപക്ഷത്തിന്റെ തീരുമാനം.