കളക്ടറുടെ റിപ്പോര്‍ട്ടിന് നിയമസാധുതയുണ്ടെന്ന് എജിയുടെ നിയമോപദേശം ; തോമസ് ചാണ്ടിയുടെ കാര്യം കൂടുതല്‍ പരുങ്ങലില്‍ !

മന്ത്രി തോമസ് ചാണ്ടിക്കെതിരായ കളക്ടറുടെ റിപ്പോര്‍ട്ടിന് നിയമസാധുതയുണ്ടെന്ന് എജിയുടെ നിയമോപദേശം. റിപ്പോര്‍ട്ടിന് നിയമസാധുത ചൂണ്ടിക്കാട്ടി അനന്തര നടപടികള്‍ സര്‍ക്കാരിന് സ്വീകരിക്കാമെന്നാണ് എജി സി.പി. സുധാകരപ്രസാദ് നിയമോപദേശം നല്‍കിയിരിക്കുന്നത്.

മന്ത്രിയുടെ ഉടമസ്ഥതയിലുള്ള ലേക് പാലസ് റിസോര്‍ട്ട് അനധികൃതമായി ഭൂമി കൈയേറിയെന്ന് കേസില്‍ ആലപ്പുഴ ജില്ലാ കളക്ടര്‍ ടി.വി. അനുപമ സമര്‍പ്പിച്ച റിപ്പോര്‍ട്ടിനാണ് നിയമസാധുത വ്യക്തമാക്കി അഡ്വക്കേറ്റ് ജനറല്‍ നിയമോപദേശം നല്‍കിയത്. സിപിഎമ്മും, സിപിഐയും കൈയൊഴിഞ്ഞതിനു പിന്നാലെ നിയമോപദേശം കൂടി എത്തിയതോടെ തോമസ് ചാണ്ടിക്ക് കൂടുതല്‍ തിരിച്ചടിയായി.