തച്ചങ്കരിയെ ഒഴിവാക്കിയതു ഭരണസൗകര്യം കണക്കിലെടുത്ത്‌ ; മറിച്ചുള്ള വാര്‍ത്തകള്‍ തെറ്റെന്ന് മുഖ്യമന്ത്രിയുടെ ഓഫീസ്

കേരളാ ബുക്‌സ് ആന്‍ഡ് പബ്ലിഷിങ് സൊസൈറ്റി മാനേജിങ് ഡയറക്ടര്‍ സ്ഥാനത്തുനിന്നു ടോമിന്‍ ജെ.തച്ചങ്കരിയെ ഒഴിവാക്കിയതു ഭരണസൗകര്യം കണക്കിലെടുത്താണെന്നും മറിച്ചുള്ള വാര്‍ത്തകള്‍ തെറ്റാണെന്നും മുഖ്യമന്ത്രിയുടെ ഓഫിസ് അറിയിച്ചു.

തച്ചങ്കരിയുടെ നേതൃത്വത്തില്‍ കെബിപിഎസ് കാര്യക്ഷമമായിട്ടാണു പ്രവര്‍ത്തിച്ചിരുന്നത്. എന്നാല്‍ അഗ്‌നിശമനസേനാ മേധാവിയുടെ ചുമതലയ്‌ക്കൊപ്പം കെബിപിഎസിന്റെ ചുമതല കൂടി വഹിക്കാനുള്ള ബുദ്ധിമുട്ട് തച്ചങ്കരി സര്‍ക്കാരിനെ അറിയിച്ചിരുന്നു. ഇതേതുടര്‍ന്ന് ആ പദവിയില്‍ നിന്ന് ഒഴിവാക്കുകയായിരുന്നുവെന്നും ഓഫിസ് അറിയിച്ചു.