ചൈനയില്‍ പ്രസിഡന്റിന്റെ പുസ്തകം എല്ലാം ഉദ്യോഗസ്ഥരും വായിക്കണമെന്ന് ചൈനീസ് കമ്യൂണിസ്റ്റ് പാര്‍ട്ടി

ചൈനീസ് പ്രസിഡന്റ് ഷി ചിന്‍പിങ്ങിന്റെ പ്രസംഗങ്ങളും തത്വചിന്തകളും ഉള്‍ക്കൊള്ളന്ന പുസ്തകം ഉദ്യോഗസ്ഥര്‍ നിര്‍ബന്ധമായും വായിക്കണമെന്ന് ചൈനീസ് കമ്യൂണിസ്റ്റ് പാര്‍ട്ടിയുടെ നിര്‍ദ്ദേശം. ഷീയുടെ രാഷ്ട്രീയ പ്രത്യേയ ശാസ്ത്രം സ്‌കൂള്‍ പാഠ്യപദ്ധതിയില്‍ ഉള്‍പ്പെടുത്താന്‍ തീരുമാനിച്ചിരുന്നു. ഇതിന് തൊട്ടുപിന്നാലെയാണ് സ്വന്തം പുസ്തകം നിര്‍ബന്ധമായും വായിക്കണമെന്ന നിര്‍ദ്ദേശം വച്ചിരിക്കുന്നത്.'ഷി ചിന്‍പിങ്ങ്: ദ ഗവേണന്‍സ് ഓഫ് ചൈന' എന്ന പുസ്തകത്തിന്റെ രണ്ടാം പതിപ്പ് ഈ മാസം ആദ്യം തന്നെ പുറത്തിറങ്ങും. ഭരണനിര്‍വഹണത്തെക്കുറിച്ചുള്ള പുസ്തകം എന്ന നിലയിലാണ് ഇത് എല്ലാവരും വായിക്കണമെന്ന നിര്‍ദ്ദേശം പാര്‍ട്ടി ഉന്നയിച്ചിരിക്കുന്നത്.