ഗുജറാത്ത് തെരഞ്ഞെടുപ്പ്: കുടുംബവാഴ്ചയും രാഷ്ട്രീയവും തമ്മിലുള്ള പോരാട്ടമെന്ന് പ്രധാനമന്ത്രി

ഗുജറാത്ത് നിയമസഭാ തെരഞ്ഞെടുപ്പില്‍ വികസനത്തിലുള്ള വിശ്വാസവും കുടുംബവാഴ്ചയും രാഷ്ട്രീയവും തമ്മിലുള്ള പോരാട്ടമാണ് തെരഞ്ഞെടുപ്പില്‍ നടക്കുന്നതെന്ന് പ്രധാനമന്ത്രി നരേന്ദ്ര മോഡി. കച്ച് ജില്ലയിലെ ഭുജില്‍ തെരഞ്ഞെടുപ്പ് റാലി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പുറത്തുനിന്ന് എത്തുന്ന ചിലര്‍ തെറ്റായ പ്രചാരണങ്ങള്‍ നടത്തി സംസ്ഥാനത്തിന്റെ പ്രതിഛായ മോശമാക്കാന്‍ ശ്രമിക്കുകയാണ്. ഇത് ബി.ജെ.പിയെ തിരികെ അധികാരത്തിലെത്തിക്കാന്‍ മാത്രമേ സഹായിക്കൂ. തന്റെ മേല്‍ ചെളിവാരി എറിയുന്ന എല്ലാവരോടും നന്ദിയുണ്ട്. താമര ചേറില്‍ മാത്രമാണ് വിടരുക. അതിനാല്‍ കൂടുതല്‍ ചെളി എറിഞ്ഞാലും താന്‍ കാര്യമാക്കില്ലെന്നും അദ്ദേഹം പറഞ്ഞു.