വെഡ്ഡിംഗ് ബെല്‍സ് ആര്‍ റിങ്ങിംഗ് അറ്റ് ബെക്കിംഹാം, ഹാരി രാജകുമാരന്റെ വിവാഹം ഉടന്‍

ലണ്ടന്‍:മോഡലും നടിയുമായ കാനഡാ സ്വദേശിനിയുമായ മെഗാന്‍ മാര്‍ക്കിളുമായി ബെക്കിംങ്ഹാം കൊട്ടാരത്തിലെ ഇളമുറക്കാരനായ ഹാരി രാജകുമാരന്റെ വിവാഹം ഉടനെന്നു സൂചന.ഇരുവരുമൊരുമിച്ച് ബിബിസി യ്ക്ക് നല്‍കിയ അഭിമുഖത്തിലാണ് പ്രണയത്തെ കുറിച്ചും വിവാഹത്തെ കുറിച്ചും ഹാരിയും മെഗാനും മനസു തുറന്നത്. നവംബര്‍ ആദ്യം ഹാരി ഔദ്യോഗികമായി മെഗാനോട് വിവാഹാഭ്യര്‍ത്ഥന നടത്തിയിരുന്നു

കെന്‍സിംഗ് കൊട്ടാരത്തിലെ നോട്ടിംഗ്ഹാം കോേേട്ടജില്‍ പാചകം ചെയ്യുന്നതിനിടയിലാണ് മെഗാനോട് ഹാരി വിവാഹാഭ്യര്‍ത്ഥന നടത്തിയതെന്നും കൂടുതലൊന്നും ആലോചിക്കാതെ അനുമതി നല്‍കിയതായും മെഗാന്‍ വെളിപ്പെടുത്തുന്നു.ഒരു സുഹൃത്താണ് തമ്മില്‍ കാണാനുള്ള അവസരമൊരുക്കിയതെന്നും പിന്നീട് കാണാതിരിക്കാനിവില്ലായിരുന്നു എന്നുമായിരുന്നു മെഗാന്‍ തുറന്നു പറഞ്ഞത്.

താന്‍ പ്രണയത്തിലേക്ക് പെട്ടന്നു വഴുതി വീഴുകയായിരുന്നെന്ന് ഹാരി പറയുന്നു.രാജകുടുംബാംഗങ്ങളുമായി വിവാഹത്തേ കുറിച്ച് ചര്‍ച്ച നടത്തി.മെഗാന്‍ എലിസബത്ത് രാജ്ഞിയുമായി കൂടിക്കാഴ്ച നടത്തുകയും ചെയ്തു.ഹാരി മെഗാന്റെമാതാവിനോട് വിവാഹത്തെ കുറിച്ച് നേരിട്ടും ,പിതാവിനോട് ഫോണില്‍ കൂടിയും അനുമതി തേടിയിരുന്നു.

എന്നാല്‍ അമ്മ ഡയാനയുടെ അഭാവം ഹാരിയെ ഏറെ ദുഖിതനാക്കുന്നു എന്നാണ് ബിബിസി അഭിമുഖത്തിലൂടെ വെളിപ്പെട്ടത്.ഡയാനയുണ്ടായിരുന്നെങ്കില്‍ മെഗാനുമായി നല്ല സുഹൃത്താകുമായിരുന്നെന്നും ഹാരി വെളിപ്പെടുത്തുന്നു.വിവാഹ ദിനങ്ങളില്‍ അമ്മ കൂടെയില്ലാതെ പോകുന്നത് തന്നെ ഏറെ ദുഖിപ്പിക്കുന്നുവെന്നും ഹാരി പറയുന്നു

അമ്മ കൂടെ എപ്പോഴുമുണ്ടെന്നോര്‍ക്കാന്‍ ഡയാനയുടെ രത്‌നമാണ് ഹാരി മെഗാന്റെ മോതിരത്തില്‍ ചേര്‍ത്തിരിക്കുന്നത്.മെഗാനണി്ഞ്ഞ മോതിരത്തിലെ രണ്ടു രത്‌നങ്ങളാണ് ഡയാനയുടെ സ്വകാര്യ ശേഖരത്തില്‍ നിന്നെടുത്തിരിക്കുന്നത്