മോദി ബച്ചനേക്കാള്‍ മികച്ച നടന്‍ : രാഹുല്‍ ഗാന്ധി

മോദി അമിതാഭ് ബച്ചനേക്കാള്‍ മികച്ച നടനാണെന്നും തെരഞ്ഞെടുപ്പ് അടക്കുമ്പോള്‍ കരഞ്ഞ് കണ്ണിരൊഴുക്കുമെന്നും രാഹുല്‍ ഗാന്ധി. രാഹുലിന്റെ രണ്ടു ദിവസത്തെ ഗുജറാത്ത്‌ പര്യടനം ബുധനാഴ്ച ആരംഭിച്ചു. പ്രചാരണത്തില്‍ ഉടനീളം മോദിയെ കടന്നക്രമിക്കാനാണ് രാഹുലിന്റെ നീക്കം. തെരഞ്ഞെടുപ്പ് അടുത്തുമ്പോള്‍ മോദി കണ്ണീര്‍ വാര്‍ക്കുന്നത് നിങ്ങള്‍ കാണാം. അദ്ദേഹം എല്ലാത്തിന്റെ പേരിലും കരയും. എന്നാല്‍ കര്‍ഷകര്‍ക്ക് വേണ്ടി കരയില്ല. കോളജ് പ്രവേശനത്തിന് പണമില്ലാത്ത വിദ്യാര്‍ത്ഥികളെ ഓര്‍ത്തോ ആശുപത്രികളില്‍ പണമില്ലാതെ കഷ്ടപ്പെടുന്നവരെ ഓര്‍ത്തോ കരയില്ല. കോണ്‍ഗ്രസിനെ അധികാരത്തിലെത്തിച്ചാല്‍ കര്‍ഷകരുടെ കടങ്ങള്‍ പത്തുദിവസത്തിനുള്ളില്‍ എഴുതിതള്ളുമെന്നും രാഹുല്‍ ഉറപ്പ് നല്‍കി.