പാക് നയതന്ത്രജ്ഞരുടെ വിരുന്നില്‍ മന്‍മോഹന്‍ സിങ്ങ് എന്തിന് പങ്കെടുത്തു ; പ്രധാനമന്ത്രി മാപ്പ് പറയണമെന്ന വാദം തള്ളി ജെയ്റ്റ്‌ലി

ഗുജറാത്ത് തെരഞ്ഞെടുപ്പ് പ്രചരണത്തിനിടയില്‍ കോണ്‍ഗ്രസ് പാകിസ്താന്‍ ബന്ധത്തെക്കുറിച്ച് പറഞ്ഞതിന് മാപ്പ് പറയണമെന്ന മന്‍മോഹന്‍സിങ്ങിന്റെ ആവശ്യപ്പെട്ടതിന് തള്ളി ധനമന്ത്രി അരുണ്‍ ജെയ്റ്റ്‌ലി രംഗത്ത്. ഭീകരവാദവും ചര്‍ച്ചയും ഒരുമിച്ച് മുന്നോട്ട് പോകില്ലെന്ന രാജ്യത്തിന്റെ നിലപാടിന് വിരുദ്ധമായി പ്രവര്‍ത്തിച്ചവരാണ് മാപ്പ് പറയേണ്ടതെന്ന് കേന്ദ്രമന്ത്രി അരുണ്‍ ജെയ്റ്റ്‌ലി മാധ്യമങ്ങളോട് പറഞ്ഞു.

രാജ്യത്തിന്റെ നിലപാട് തള്ളി പാക്ക് നയതന്ത്ര പ്രതിനിധികളുമായി കൂടിക്കാഴ്ച നടത്തേണ്ടതിന്റെ ആവശ്യകതയും പ്രധാന്യവും സാഹചര്യവും എന്തായിരുന്നുവെന്ന് വ്യക്തമാക്കണമെന്നും ജെയ്റ്റ്‌ലി ആവശ്യപ്പെട്ടു. പാകിസ്താന്‍ നയതന്ത്ര ഉദ്യോഗസ്ഥര്‍ക്കായി കോണ്‍ഗ്രസ് നേതാവ് മണിശങ്കര്‍ അയ്യര്‍ നടത്തിയ വിരുന്ന സത്കാരത്തില്‍ പങ്കെടുത്തത് എന്തിനാണെന്ന് മുന്‍പ്രധാനമന്ത്രി വ്യക്തമാക്കാണമെന്നും ധനമന്ത്രി ആവശ്യപ്പെട്ടു.