യുപിഎ സര്‍ക്കാരിന്റെ അധികാരത്തെ ചോദ്യം ചെയ്യുന്ന രേഖകളുമായി കേന്ദ്രമന്ത്രി

യുപിഎ സര്‍ക്കാര്‍ ഭരിച്ചിരുന്നത് ഗാന്ധികുടുംബമായിരുന്നുവെന്ന ബിജെപി ആരോപണത്തിന് പിന്‍ബലമായി നിയുക്ത കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി യുപിഎ മുന്‍ മന്ത്രി ജയന്തി നടരാജന് അയച്ച ഈ മെയില്‍ സംഭാഷണം പുറത്തുവിട്ട് കേന്ദ്രമന്ത്രി പീയുഷ് ഗോയല്‍ രംഗത്ത്. ഗുജറാത്തിലെ ഒരു പദ്ധതിയെക്കുറിച്ചാണ് ഇരുവരുടേയും സംഭാഷണം. ജയന്തി നടരാജന്‍ ചില പദ്ധതികളെ കുറിച്ച് രാഹുലിനോട് പറയുന്നതും പദ്ധതി നടപ്പിലാക്കുന്നതിന് രാഹുലിനോട് പറയുന്നതും പദ്ധതി നടപ്പിലാക്കുന്നതിന് രാഹുലിന്റെയും സോണിയ ഗാന്ധിയുടെയും മാര്‍ഗനിര്‍ദ്ദേശങ്ങള്‍ ആവശ്യപ്പെടുകയും ചെയ്യുന്നുണ്ട്. ഗുജറാത്തിലെ പദ്ധതികള്‍ക്ക് നിയമം കര്‍ക്കശമായി പാലിച്ചുമാത്രമേ പാരിസ്ഥിതിക അനുമതി നല്‍കാവൂ എന്ന് രാഹുല്‍ മറുപടിയായി പറയുന്നുണ്ട്.ഇതിലൂടെ, ജയന്തിയുടെ അഴിമതി യഥാര്‍ത്ഥത്തില്‍ രാഹുലിന്റെതായിരുന്നുവെന്ന് ഗോയല്‍ വാര്‍ത്താ സമ്മേളനത്തില്‍ പറഞ്ഞു. അന്ന് പ്രധാനമന്ത്രിയായിരുന്ന മന്‍മോഹന്‍ സിങ്ങിനെ മറികടന്ന് മറ്റാളുകളാണ് ഭരിച്ചിരുന്നതെന്നാണ് റിപ്പോര്‍ട്ടുള്ളത്.