പോലീസ് കുറ്റപത്രം ചോര്‍ത്തിയതില്‍ ദിലീപിന്റെ ഹര്‍ജി ഇന്ന് പരിഗണിക്കും

നടിയെ ആക്രമിച്ച കേസിലെ അനുബന്ധ കുറ്റപത്രം റദ്ധാക്കണമെന്നാവശ്യപ്പെട്ട് ദിലീപ് സമര്‍പ്പിച്ച ഹര്‍ജി അങ്കമാലി മജിസ്‌ട്രേറ്റ് കോടതി ഇന്ന് പരിഗണിക്കും. കഴിഞ്ഞ മാസം 22നാണ് കുറ്റപത്രം സമര്‍പ്പിച്ചത്. എന്നാല്‍ കോടതിയില്‍ സമര്‍പ്പിക്കുന്നതിന് മുന്‍പ് കുറ്റപത്രം മാധ്യമങ്ങള്‍ക്ക് ചോര്‍ത്തി നല്‍കിയെന്ന് ഹര്‍ജിയില്‍ പറയുന്നു. എന്നാല്‍ കുറ്റപത്രമല്ല ഇതിന്റെ കരടു രേഖയാണ് ചോര്‍ന്നതെന്നും, കോപ്പിയെടുക്കാന്‍ നല്‍കിയപ്പോള്‍ മാധ്യമങ്ങള്‍ ഇത് ചോര്‍ത്തുകയായിരുന്നുവെന്നുമാണ് പോലീസ് കോടതിയില്‍ വിശദീകരിച്ചത്.