ഇന്ത്യയുമായി യുദ്ധമല്ല, സമാധാനമാണ് ആഗ്രഹിക്കുന്നത്: പാക്ക് സൈനിക മേധാവി

ഇന്ത്യയുമായുള്ള സമാധാന ചര്‍ച്ചകള്‍ക്ക് പിന്തുണ നല്‍കുമെന്ന് പാക്ക് സൈനിക മേധാവി. പാക്ക് സെനറ്റിനു നല്‍കിയ വിശദീകരണത്തിലാണ് പാക്ക് സൈനിക മേധാവി ജനറല്‍ ഖമര്‍ ജാവേദ് ബജ്‌വ പുതിയ അനുനയ നീക്കം പ്രകടിപ്പിച്ചത്. രാജ്യത്തിന്റെ സുരക്ഷ സംബന്ധിച്ച് വിശദീകരണം നല്‍കുന്നതായി ആറു വര്‍ഷത്തിനു ശേഷം പാര്‍ലമെന്റില്‍ എത്തിയപ്പോള്‍ ആണ് പാക്ക് സൈനിക മേധാവി ഇന്ത്യയുമായുള്ള ബന്ധം സംബന്ധിച്ച് ഇക്കാര്യം വ്യക്തമാക്കിയത്. യുദ്ധമല്ല, ഇന്ത്യയുമായി സമാധാനമാണ് ആഗ്രഹിക്കുന്നത്. ഇതിനായി സര്‍ക്കാര്‍ എടുക്കുന്ന എന്തു തീരുമാനത്തേയും സൈന്യം സ്വാഗതം ചെയ്യുന്നുവെന്നും സൈനിക മേധാവി വ്യക്തമാക്കി.