ഇന്ത്യയിലെ മികച്ച കലക്ടര്‍ നമ്മുടെ കലക്ടര്‍ ബ്രോ !

നമ്മുടെ കലക്ടര്‍ ബ്രോ ഇന്ത്യയിലെ മികച്ച കലക്ടര്‍ ഇന്ത്യയിലെ മികച്ച കലക്ടര്‍മാരുടെ പട്ടിക തയ്യാറാക്കിയ 'ദി ബെറ്റര്‍ ഇന്ത്യ' എന്ന സ്വതന്ത്ര വെബ്‌സൈറ്റ് ആണ് ഇക്കാര്യം റിപ്പോര്‍ട്ട് ചെയ്യുന്നത്. പുതിയ ആശയങ്ങളുമായി ആത്മസമര്‍പ്പണത്തോടെ ജോലി ചെയ്യുന്ന ഐ.എ.എസ് ഉദ്യോഗസ്ഥര്‍ ഇന്ത്യയെ മാറ്റത്തിന്റെ പാതയിലേക്ക് നയിക്കുകയാണെന്ന് ബെറ്റര്‍ ഇന്ത്യ പറയുന്നു. കണ്ണൂര്‍ കലക്ടര്‍ മീര്‍ മുഹമ്മദ് അലിയും പട്ടികയില്‍ ഇടം നേടിയിട്ടുണ്ട്. അഞ്ചു മാസം കൊണ്ട് കണ്ണൂരിനെ പ്ലാസ്റ്റിക് ഫ്രീ ജില്ലയായി പ്രഖ്യാപിക്കാനുള്ള പദ്ധതിക്ക് മേല്‍നോട്ടം വഹിച്ചതാണ് മീര്‍ മുഹമ്മദിനെ തുണച്ചത്.

രാജ്യത്തെ ടോപ്10 ഐഎഎസ് ഉദ്യോഗസ്ഥരുടെ പട്ടികയില്‍ കോഴിക്കോട് മുന്‍ കലക്ടര്‍ പ്രശാന്ത് എന്‍.നായരാണ് ഒന്നാമത്. കോഴിക്കോട് കലക്ടര്‍ ആയിരിക്കേ സ്വീകരിച്ച ജനകീയ പദ്ധതികളും പൊതുജനങ്ങളുമായുള്ള ബന്ധവുമാണ് പ്രശാന്തിന് കലക്എടര്‍ ബ്രോ എന്ന പേര് നേടിക്കൊടുത്തത്. കലക്ടര്‍ ആയിരിക്കേ പൂര്‍ത്തിയാക്കി പദ്ധതികളാണ് പ്രശാന്തിനെ ഒന്നാമതെത്തിച്ചത്. പ്രശാന്ത് നടപ്പാക്കിയ കംപാഷനേറ്റ് കോഴിക്കോട്, ഓപറേഷന്‍ സുലൈമാനി, തേരേ മേരേ ബീച്ച് മേം, യോ അപ്പൂപ്പാ തുടങ്ങിയ പദ്ധതികളെ കുറിച്ച് കുറിപ്പില്‍ പരാമര്‍ശവുമുണ്ട്.