ആദര്‍ശ് കുംഭകോണം: അശോക് ചവാനെ പ്രോസിക്യൂട്ട് ചെയ്യേണ്ടതില്ലെന്ന് ബോംബെ ഹൈക്കോടതി

ആദര്‍ശ് ഫ്‌ളാറ്റ് കുംഭകോണക്കേസില്‍ പാര്‍ട്ടിക്ക് ആശ്വാസം. മഹാരാഷ്ട്ര മുന്‍ മുഖ്യമന്ത്രിയും കോണ്‍ഗ്രസ് നേതാവുമായ അശോക് ചവാനെ പ്രോസിക്യൂട്ട് ചെയ്യേണ്ടതില്ലെന്ന് ബോംബെ ഹൈക്കോടതി ഉത്തരവിട്ടു. ചവാനെ പ്രോസിക്യൂട്ട് ചെയ്യാന്‍ ഗവര്‍ണര്‍ സി.ബി.ഐയ്ക്ക് നല്‍കിയ അനുമതിയാണ് കോടതി തള്ളിയത്. ജസ്റ്റീസ് രഞ്ജിത് മോറെ, ജസ്റ്റീസ് സാധന ജാഥവ് എന്നിവരടങ്ങിയ ബെഞ്ചാണ് ഗവര്‍ണറുടെ ഉത്തരവ് റദ്ദാക്കിയത്. ഗവര്‍ണര്‍ സി.വിദ്യാസാഗര്‍ റാവുവിന്റെ ഉത്തരവ് ചോദ്യം ചെയ്ത് ചവാനാണ് കോടതിയെ സമീപിച്ചത്. ചവാന്റെ ഹര്‍ജിയില്‍ കോടതി ഗവര്‍ണറെയും പ്രതിചേര്‍ത്തിരുന്നു. കഴിഞ്ഞ വര്‍ഷം ഫെബ്രുവരിയിലാണ് ഗവര്‍ണര്‍ ഉത്തരവ് ഇറക്കിയത്.