അച്ഛന്റെ മരണത്തില്‍ ഞങ്ങള്‍ക്ക് സംശയമൊന്നുമില്ല; ജസ്റ്റിസ് ലോയയുടെ മകന്‍

പിതാവിന്റെ മരണം രാഷ്ട്രീയവല്‍ക്കരിക്കാന്‍ ശ്രമിക്കരുതെന്ന് ജസ്റ്റിസ് എച്ച്. ലോയയുടെ മകന്‍ അനൂജ് ലോയ .രാഷ്ട്രീയ മുതലെടുപ്പില്‍ നിന്ന് രാഷ്ട്രീയ പാര്‍ട്ടികള്‍ പിന്‍മാറണം. പുതിയ സംഭവവികാസങ്ങളില്‍ വേദനയുണ്ട്. തങ്ങളെ അപമാനിക്കരുതെന്ന് അനൂജ് പറഞ്ഞു.

അച്ഛന്റെ മരണത്തില്‍ തങ്ങള്‍ക്ക് സംശയമൊന്നുമില്ലെന്ന് അനൂജ് പറഞ്ഞു. നേരത്തെ സംശയമുണ്ടായിരുന്നു. ഇപ്പോള്‍ സംശയമൊന്നുമില്ല. മരണവുമായി ബന്ധപ്പെട്ട് കുടുംബത്തിനുണ്ടായിരുന്ന സംശയത്തെക്കുറിച്ചുള്ള ചോദ്യത്തിന് മറുപടിയായാണ് അനൂജ് ഇക്കാര്യം പറഞ്ഞത്. ലോയ കുടുംബത്തിന്റെ അഭിഭാഷകന്‍ അമീര്‍ നായ്ക്കും വാര്‍ത്താ സമ്മേളനത്തില്‍ പങ്കെടുത്തു.