കോണ്‍ഗ്രസ് ബന്ധം വേണ്ടന്ന സി.പി.എം തീരുമാനം രാജ്യത്തെ ഒറ്റുകൊടുക്കുന്നതിന് തുല്യമെന്ന് എ.കെ ആന്റണി

കോണ്‍ഗ്രസ് ബന്ധം വേണ്ടന്ന സി.പി.എം തീരുമാനം രാജ്യത്തെ ഒറ്റുകൊടുക്കുന്നതിന് തുല്യമെന്ന് എ.കെ ആന്റണി. സി.പി.എം കേരള ഘടകമാണ് ഈ തീരുമാനത്തിന് പിന്നിലെന്നും ആന്റണി പറഞ്ഞു. പാര്‍ട്ടി കോണ്‍ഗ്രസില്‍ അവതരിപ്പിച്ച കരട് രേഖയില്‍ കോണ്‍ഗ്രസുമായി യാതൊരു സഹകരണവും വേണ്ടന്ന നിലപാടിനാണ് അംഗീകാരം ലഭിച്ചത്.

മതേതരത്വത്തേക്കാള്‍ സി.പി.എമ്മിന് പ്രിയം മോദിയെ ആണെന്ന് ആന്റണി കുറ്റപ്പെടുത്തി. കേരളത്തിലെ സി.പി.എം നേതൃത്വത്തിന് മോദി ഭരണം തുടരാനാണ് ആഗ്രഹം. ഇതിന് കേരള ജനത മാപ്പു നല്‍കില്ലെന്നും ആന്റണി കൂട്ടിച്ചേര്‍ത്തു.