ശ്രീജീവിന്റെ കേസ് സിബിഐ നാളെ രജിസ്റ്റർ ചെയ്യും

പൊലീസ് കസ്റ്റഡിയിൽ ഇരിക്കെ മരണപ്പെട്ട ശ്രീജീവിന്റെ കേസ് സിബിഐ നാളെ രജിസ്റ്റർ ചെയ്യും. സിബിഐ തിരുവനന്തപുരം യൂണിറ്റാണ് കേസ് അന്വേഷിക്കുക. ഇത് സംബന്ധിച്ച വിജ്‍ഞാപനം ഇറങ്ങിയിട്ടുണ്ട്. കേസ് സിബിഐ അന്വേഷിക്കുമെന്ന് നേരത്തെ വ്യക്തമാക്കിയിരുന്നതാണ്. അതേസമയം അന്വേഷണത്തിൽ വ്യക്തത ഉണ്ടായാൽ ഉടൻ സമരം അവസാനിപ്പിക്കുമെന്ന് ശ്രീജീവിന്റെ സഹോദരൻ ശ്രീജിത്ത് പറഞ്ഞു. രണ്ടു വർഷത്തിലധികമായി ശ്രീജീവിന്റെ സഹോദരൻ ശ്രീജിത്ത് നടത്തിവന്ന സമരത്തിനാണ് ഇതോടെ ഫലം കണ്ടത്.

അന്വേഷണത്തിന് സിബിഐ വിഞ്ജാപനം ഇറക്കിയത് കൊണ്ട് മാത്രം സമരം അവസാനിപ്പിക്കാൻ കഴിയില്ലെന്ന നിലപാടിലായിരുന്നു ശ്രീജിത്ത്. കേസ് അന്വേഷിക്കുന്നത് സംബന്ധിച്ച നടപടികൾ ആരംഭിച്ചാൽ മാത്രമേ സമരം അവസാനിപ്പിക്കുകയുള്ളു എന്ന് ശ്രീജിത്ത് നേരത്തേ വ്യക്തമാക്കിയതാണ്.