അടിമുടി വെട്ടിയ മാറ്റിയ പത്മാവദി ഇന്ന് തീയേറ്ററുകളില്‍

സഞ്ജയ് ലീലാ ബന്‍സാലിയുടെ ബോളിവുഡ് ചിത്രം പദ്മാവത് ഒടുവില്‍ തിയറ്ററുകളില്‍ എത്തിയത് വെട്ടി മാറ്റലുകള്‍ക്ക് ശേഷം. കഥയുടെ ഒഴുക്കിനെ ഇത് പലയിടത്തും ബാധിക്കുന്നുണ്ടെന്നും ചിത്രം ആദ്യം കണ്ടവര്‍ അഭിപ്രായപ്പെട്ടു. രജപുത്ര രാജ്ഞി റാണി പദ്മിനിയായി വേഷമിടുന്ന ദീപികാ പദുകോണിന്റെ ശരീരഭാഗങ്ങള്‍ ഗ്രാഫിക്‌സ് ഉപയോഗിച്ച് മറച്ച രീതിയിലാണ് ചിത്രത്തിലുള്‍പ്പെടുത്തിയിരിക്കുന്നത്.

യുദ്ധ രംഗങ്ങള്‍ ഉദ്ദേശിച്ച നിലവാരം പുലര്‍ത്തിയില്ലെന്ന ആക്ഷേപവുമുണ്ട്. 16 ാം നൂറ്റാണ്ടിലെ സൂഫി കവി മാലിക് മുഹമ്മദ് ജയാസി രചിച്ച പദ്മാവത് എന്ന കാവ്യത്തെ ആസ്പദമാക്കിയാണ് ആദ്യം പദ്മാവതി എന്നു പേരിട്ട ചിത്രം ഒരുക്കിയിരിക്കുന്നത്. പദ്മാവതിനെതിരായ പ്രതിഷേധം അവസാനിക്കാത്ത സാഹചര്യത്തില്‍ രാജസ്ഥാന്‍, ഗുജറാത്ത്, മധ്യപ്രദേശ്, ഗോവ എന്നിവിടങ്ങളില്‍ ചിത്രം പ്രദര്‍ശിപ്പിക്കില്ലെന്നു മള്‍ട്ടി പ്ലക്‌സ് അസോസിയേഷന്‍ ഓഫ് ഇന്ത്യ ഭാരവാഹികള്‍ അറിയിച്ചു.

ഇന്നലെ െവെകിട്ട് ആറരയ്ക്കായിരുന്നു സിനിമയുടെ ആദ്യ പ്രദര്‍ശനം. സിനിമ പ്രദര്‍ശനത്തിനെത്തിയ കേരളത്തിലെ തിയറ്ററുകളില്‍ പോലീസ് സംരക്ഷണം ഏര്‍പ്പെടുത്തിയിരുന്നു. സെന്‍സര്‍ ബോര്‍ഡിന്റെ നിര്‍ദ്ദേശമനുസരിച്ച് ചില രംഗങ്ങള്‍ നീക്കിയശേഷമാണു തിയറ്ററുകളിലെത്തിയത്. സെന്‍സര്‍ ബോര്‍ഡിന്റെ നിര്‍ദ്ദേശപ്രകാരമാണു പത്മാവതിയെന്ന പേര് പത്മാവത് എന്നാക്കിയത്. ഇന്നുമുതല്‍ ലോക വ്യാപകമായി പ്രദര്‍ശനത്തിനെത്തും.