കുമാരസാമി മോദിയെ കാണുന്നു;ഒഔദ്യോഗിക പരിപാടികളില്‍ കോണ്‍ഗ്രസുമായി കൂടിക്കാഴ്ചയില്ല

ന്യൂഡല്ഹി: കര്ണാടക മുഖ്യമന്ത്രി എച്ച്.ഡി കുമാരസ്വാമി തിങ്കളാഴ്ച പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. കോണ്ഗ്രസ് സഖ്യത്തില് അധികാരത്തില് എത്തിയ ശേഷം ആദ്യമായാണ് കുമാര സ്വാമി ഡല്ഹിയില് എത്തുന്നത്. വൈകുന്നേരം 5.30നാണ് പ്രധാനമന്ത്രിയുമായുള്ള കൂടിക്കാഴ്ച.

സത്യപ്രതിജ്ഞയ്ക്കു തൊട്ടു മുന്പായി ഡല്ഹിയില് എത്തിയിരുന്ന കുമാര സ്വാമി കോണ്ഗ്രസ് അധ്യക്ഷന് രാഹുല് ഗാന്ധി, സോണിയ ഗാന്ധി, ബിഎസ്പി നേതാവ് മായാവതി എന്നിരുമായി കൂടിക്കാഴ്ച നടത്തിയിരുന്നു. പ്രധാനമന്ത്രിക്കു പുറമേ കല്ക്കരി വകുപ്പു മന്ത്രി ഹരിഭായ് പാര്ഥിഭായ് ചൗധരിയുമായും കൂടിക്കാഴ്ച നടത്തുന്നുണ്ട്. ഉച്ചയ്ക്ക് 12.45ന് ഡല്ഹിയിലെത്തുന്ന കുമാര സ്വാമിയുടെ ഔദ്യോഗിക പരിപാടികളിലൊന്നും തന്നെ കോണ്ഗ്രസ് നേതൃത്വവുമായുള്ള കൂടിക്കാഴ്ചയെക്കുറിച്ചു പറഞ്ഞിട്ടില്ല.