സംസ്ഥാനത്ത് തുടരുന്ന കനത്ത മഴയിലും പ്രളയത്തിലും ആശങ്ക അറിയിച്ച് രാഷ്ട്രപതി രാംനാഥ് കോവിന്ദ്.

തിരുവനന്തപുരം: സംസ്ഥാനത്ത് തുടരുന്ന കനത്ത മഴയിലും പ്രളയത്തിലും ആശങ്ക അറിയിച്ച് രാഷ്ട്രപതി രാംനാഥ് കോവിന്ദ്. പ്രളയം നേരിടാന്‍ എല്ലാവിധ സഹായവും പ്രധാനമന്ത്രി നരേന്ദ്ര മോദി ഉറപ്പ് നല്‍കിയിട്ടുണ്ട്. മുഖ്യമന്ത്രി പിണറായി വിജയനുമായി ഇക്കാര്യം ചര്‍ച്ച ചെയ്തെന്നും പ്രധാനമന്ത്രി അറിയിച്ചു. അതേസമയം പ്രളയം തുടരുന്ന സംസ്ഥാനത്തൊട്ടാകെ റെഡ് അലര്‍ട്ട് പ്രഖ്യാപിച്ചിരിക്കുകയാണ്. മഴക്കെടുതിയില്‍ ഇന്നുമാത്രം 29 പേരാണ് മരണമടഞ്ഞത്. മലപ്പുറം, ഇടുക്കി, പത്തനംതിട്ട, ആലപ്പുഴ എന്നിവിടങ്ങളിലുള്ളവരാണ് പ്രളയക്കെടുതിയില്‍ പൊലിഞ്ഞത്