അയ്യപ്പനും കോശിയും ബോളിവുഡില്‍ സച്ചിയില്ല

ഈ വര്‍ഷം വന്‍ വിജയം നേടിയ മലയാള ചിത്രങ്ങളില്‍ ഒന്നായിരുന്നു ഇത്. പൃഥ്വിരാജ് - ബിജു മേനോന്‍ കൂട്ടുകെട്ടിനെ വച്ച് അണിയിച്ചൊരുക്കിയ ചിത്രത്തെ ഇരുകൈയും നീട്ടിയാണ് പ്രേക്ഷകര്‍ സ്വീകരിച്ചത്. സിനിമാ ലോകം നെഞ്ചിലേറ്റിയ അയ്യപ്പനും കോശിയും എന്ന ചിത്രം മറ്റു ഭാഷകളില്‍ വരുന്നത് കാണാന്‍ ഇനി സച്ചിയില്ല. ഈ വര്‍ഷം വന്‍ വിജയം നേടിയ മലയാള ചിത്രങ്ങളില്‍ ഒന്നായിരുന്നു ഇത്. പൃഥ്വിരാജ് - ബിജു മേനോന്‍ കൂട്ടുകെട്ടിനെ വച്ച് അണിയിച്ചൊരുക്കിയ ചിത്രത്തെ ഇരുകൈയും നീട്ടിയാണ് പ്രേക്ഷകര്‍ സ്വീകരിച്ചത്. തമിഴിനും കന്നഡയ്ക്കും തെലുങ്കിനും പുറമേ ബോളിവുഡിലേക്കും ചിത്രം റീമേക്ക് ചെയ്യാനൊരുങ്ങുകയായിരുന്നു. ജോണ്‍ എബ്രഹാം ആണ് ഹിന്ദിയില്‍ റീമേക്ക് ചെയ്യുന്നത്. തെലുങ്ക് റീമേക്കില്‍ ബാലകൃഷ്ണ ഉള്‍പ്പെടെയുള്ള പേരുകള്‍ തുടക്കത്തില്‍ കേട്ടിരുന്നുവെങ്കിലും രവി തേജയും റാണ ദഗ്ഗുബട്ടിയും അയ്യപ്പനും കോശിയുമാകുമെന്നാണ് അവസാനം വന്ന റിപ്പോര്‍ട്ടുകള്‍. തമിഴ് റീമേക്കില്‍ അയ്യപ്പന്റെ റോളില്‍ ശരത്കുമാറും, കോശിയായി ശശികുമാറും എത്തുമെന്നാണ് അറിയുന്നത്. ആടുകളം, ജിഗര്‍തണ്ട എന്നീ സിനിമകള്‍ നിര്‍മിച്ച എസ് കതിരേശനാണ് തമിഴില്‍ ചിത്രം നിര്‍മ്മിക്കുന്നത്. സുരേഷ് പ്രൊഡക്ഷന്‍സും ഹാരിക ഹസൈന്‍ ക്രിയേഷന്‍സുമാണ് തെലുങ്കില്‍ ചിത്രം നിര്‍മിക്കുന്നത്.