പൊലീസിനെ കൂട്ടാതെ കസ്റ്റംസ്

കേസെടുത്ത് ഒരാഴ്ചയാകുമ്പോഴും സ്വപ്ന സുരേഷ് അടക്കമുള്ള പ്രതികളെ പിടികൂടാന്‍ കസ്റ്റംസ് പോലീസിന്റെ സഹായം തേടുന്നില്ല. കസ്റ്റംസ് രേഖാമൂലം ആവശ്യപ്പെടാതെ ഇക്കാര്യത്തില്‍ നിയമപജ്ഞായി കേരള പോലീസിന് ഇടപെടാന്‍ ആവില്ല. നിലപാട്. സി സി ടി വി ദൃശ്യങ്ങള്‍ കണ്ടെടുത്തു നല്‍കണം എന്ന് മാത്രമാണ് പോലീസിനോട് കസ്റ്റംസ് ആവശ്യപ്പെട്ടത്. അത് കസ്റ്റംസിന് കൈമാറിയതായി ഡി.ജി.പി ലോക് നാഥ് ബഹ്‌റ വ്യക്തമാക്കി. കസ്റ്റംസ് ആക്ട് അനുസരിച്ച് നടക്കുന്ന അന്വേഷണങ്ങളില്‍ അവര്‍ ആവശ്യപ്പെടാതെ ഇടപെടാനാകില്ലെന്നും ഡിജിപി പറഞ്ഞു. അതേസമയം, സ്വര്‍ണക്കടത്ത് കേസില്‍ സ്വപ്നയും സന്ദീപും ദേശീയ അന്വേഷണ ഏജന്‍സിയുടെ വലയിലെന്ന് സൂചന. ഒളിവില്‍ കഴിയാന്‍ സ്വപ്നയ്ക്ക് സഹായം നല്‍കുന്നവരെ കുറിച്ച് അന്വേഷണസംഘത്തിന് സൂചനകള്‍ ലഭിച്ചിട്ടുണ്ട്. സ്വപ്നയുമായി അടുപ്പമുള്ളവരെ എന്‍ഐഎ നിരീക്ഷിക്കുന്നുണ്ട്. സ്വര്‍ണക്കടത്ത് കേസില്‍ ഉന്നത ഉദ്യോഗസ്ഥര്‍ക്ക് പങ്കുണ്ടോ എന്ന കാര്യവും എന്‍ഐഎ അന്വേഷിക്കും. സ്വപ്നയും സന്ദീപും ഒളിവില്‍ പോയി ഒരാഴ്ച പിന്നിട്ടിട്ടും കസ്റ്റംസ് എന്തുകൊണ്ടാണ് പോലീസിന്റെ സഹായം തേടാത്തത് എന്ന ചോദ്യം ഉയരുന്നു. ഒളിവില്‍ ഇരുന്നു കൊണ്ടു തന്നെ സ്വപ്ന കൊച്ചിയിലെ അഭിഭാഷകനെ സന്ദര്‍ശിക്കുകയും മാധ്യമങ്ങള്‍ക്ക് ശബ്ദ സന്ദേശം അയച്ചുകൊടുക്കുകയും ചെയ്തു. പ്രതിയെ പിടികൂടാന്‍ പോലീസിന് എളുപ്പത്തില്‍ കഴിയുമെന്ന് അറിയാമെങ്കിലും ആ വഴി തേടേണ്ടതില്ലെന്നാണ് കസ്റ്റംസിന്റെയും മറ്റ് അന്വേഷണ ഏജന്‍സികളുടെയും തീരുമാനം. കേന്ദ്ര, സംസ്ഥാന ഭരണതലത്തിലെ സ്വാധീനത്തിന്റെ പിന്‍ബലത്തിലാണ് പ്രതികള്‍ ഇത്രയധികം സ്വര്‍ണ്ണം സംസ്ഥാനത്തേക്ക് എത്തിച്ചതെന്നും അവര്‍ കരുതുന്നു. എന്‍. ഐ.യുടെ സഹായത്താല്‍ സ്വപനയെയും സന്ദീപിനെയും പിടികൂടാനാണ് കസ്റ്റംസ് ലക്ഷ്യമിടുന്നത്.