കോണ്‍ഗ്രസ് നേതാക്കള്‍ക്ക് ഭയം പുതിയ പാര്‍ട്ടി

  സച്ചിന്‍ പൈലറ്റ് രൂപീകരിക്കുന്ന പുതിയ പാര്‍ട്ടിയെ കോണ്‍ഗ്രസിന്റെ മുതിര്‍ന്ന നേതാക്കള്‍ക്ക് ഭയം. ഹിന്ദി ബല്‍റ്റില്‍ രാഹുല്‍ ഗാന്ധിക്കൊപ്പം നില്‍ക്കുന്ന നേതാവാണ് സച്ചിന്‍. പുതിയ രാഷ്ട്രീയ പാര്‍ട്ടിയുമായി രംഗത്തുവന്നാന്‍ ദേശീയ രാഷ്ട്രീയത്തില്‍ സച്ചിന്‍ രാഹുലിനെ പിന്നിലാക്കും. പല സംസ്ഥാനങ്ങളിലും സച്ചിന്‍ പൈലറ്റിന് രാഹുലിനേക്കാള്‍ വിശ്വസ്ഥരായ അനുയായികളുണ്ട്. മമത ബാനര്‍ജി, ജഗന്‍മോഹന്‍ റെഡ്ഡി എന്നിവരുടെ പാതയില്‍ സ്വന്തം പാര്‍ട്ടി രൂപീകരിക്കുക. രാജസ്ഥാനിലെ പ്രാദേശിക ശക്തിയായി നിലകൊള്ളുക. ഭാവിയില്‍ ഭരണം പിടിക്കാനും ദേശീയ തലത്തില്‍ പ്രതിപക്ഷ സഖ്യത്തിലേര്‍പ്പെടാനോ ഒക്കെ ഇതു ഗുണം ചെയ്യും. യുവജനങ്ങള്‍ക്കിടയില്‍ ജാതിമത ഭേദമില്ലാതെ സച്ചിനു വലിയ പിന്തുണയുണ്ട്. അദ്ദേഹത്തോടൊപ്പം പുറത്താക്കപ്പെട്ട മന്ത്രിമാരായ വിശ്വേന്ദ്ര സിങ് ജാട്ട് രാജകുടുംബാഗവും രമേശ് മീണ പ്രബലമായ മീണ വിഭാഗത്തില്‍നിന്നുള്ള ആളുമാണ്. ഇവര്‍ യോജിക്കുകയും സച്ചിനു സംസ്ഥാനത്തെ യുവജനങ്ങള്‍ക്കിടയിലുള്ള മതിപ്പു പൊതു പിന്തുണയാക്കാന്‍ സാധിക്കുകയും ചെയ്താല്‍ ബിജെപിക്കും കോണ്‍ഗ്രസിനും വെല്ലുവിളി ആകും. എന്നാല്‍, പതിറ്റാണ്ടുകളായി കോണ്‍ഗ്രസ് - ബിജെപി മുഖാമുഖ പോരാട്ടം നടക്കുന്ന രാജസ്ഥാനില്‍ ഇനി കോണ്‍ഗ്രസ് ഉണ്ടാകുമോ എന്ന് കണ്ടറിയണം.