ശിവശങ്കര്‍ , ഇനി തുടരന്വേഷണം

  മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിനെതിരെ കൂടുതല്‍ ശക്തമായ അന്വേഷണം ഉണ്ടാകും. കേന്ദ്രഏ ജന്‍സികള്‍ ചോദ്യം ചെയ്തതിന്റെ വിവരങ്ങള്‍ സര്‍ക്കാരിന് ലഭിച്ചാലുടന്‍ ശക്തമായ പരിശോധനകളിലേക്ക് നീങ്ങും. ഇത് സര്‍ക്കാര്‍ സര്‍വീസിലെ മറ്റ് പല വന്‍ പുലികളെകൂടി അന്വേഷണ പരിധിയില്‍ എത്തിക്കാനുള്ള നീക്കമുണ്ട്. അഖിലേന്ത്യ സര്‍വീസിലെ പെരുമാറ്റ ചട്ടങ്ങളുടെ ലംഘനമുണ്ടായെന്ന് കമ്മിറ്റി കണ്ടെത്തി. വകുപ്പ് തല അന്വേഷണം തുടരും. 2. ബന്ധങ്ങളില്‍ വേണ്ട ജാഗ്രത പുലര്‍ത്തിയില്ല 3. സ്വര്‍ണക്കടത്ത് പ്രതികളുമായി ബന്ധം പുലര്‍ത്തി എന്നിങ്ങനെയാണ് ചീഫ് സെക്രട്ടറിയുടെ റിപ്പോര്‍ട്ട്. ഇതിന്റെ അടിസ്ഥാനത്തിലാണ് നടപടിയും. സ്വര്‍ണക്കടത്ത് കേസില്‍ പ്രതിയായ സ്വപ്ന സുരേഷിന് ഐടി വകുപ്പിന് കീഴില്‍ ജോലി ലഭിച്ചതില്‍ ശിവശങ്കറിന് പങ്കുണ്ടോയെന്നാണ് ചീഫ് സെക്രട്ടറിയുടെ നേതൃത്വത്തില്‍ അന്വേഷിച്ചത്. സ്വപ്നയ്ക്ക് നിയമനം നല്‍കിയതില്‍ ശിവശങ്കറിന് ജാഗ്രത കുറവുണ്ടായെന്ന് റിപ്പോര്‍ട്ടില്‍ പറയുന്നു. സ്വപ്നയെ നിയമിച്ച സാഹചര്യം, അതിലെ ശരിതെറ്റ് എന്നിവയാണ് ചീഫ് സെക്രട്ടറിയും അഡീഷണല്‍ ചീഫ് സെക്രട്ടറിയും അന്വേഷിച്ചത്. സിവില്‍ സര്‍വ്വീസ് ഉദ്യോഗസ്ഥന്‍ പാലിക്കേണ്ട ചട്ടങ്ങള്‍ ശിവശങ്കര്‍ ലംഘിച്ചെന്നാണ് സര്‍ക്കാര്‍ നിയോഗിച്ച സമിതിയുടെ കണ്ടെത്തല്‍. സര്‍വീസ്ചട്ടങ്ങള്‍ ലംഘിച്ചു, ബന്ധങ്ങളില്‍ വേണ്ട ജാഗ്രത പുലര്‍ത്തിയില്ല തുടങ്ങിയ ഗുരുതര ആരോപണങ്ങളാണ് റിപ്പോര്‍ട്ടില്‍ ഉള്ളത്. റിപ്പോര്‍ട്ട് പഠിച്ചശേഷം തുടര്‍നടപടി സ്വീകരിക്കുമെന്ന് മുഖ്യമന്ത്രി അറിയിച്ചു. അന്വേഷണത്തില്‍ ശിവശങ്കറിനെതിരെ തെളിവുണ്ടെങ്കില്‍ കര്‍ക്കശ നടപടിയുണ്ടാകുമെന്ന് മുഖ്യമന്ത്രി വ്യക്തമാക്കിയിരുന്നു. ഇക്കാര്യത്തില്‍ പാര്‍ട്ടിയുടെയും മുന്നണിയുടെ നിലപാട് സി പി എം സെക്രട്ടറി കോടിയേരി വ്യക്തമാക്കി കഴിഞ്ഞു. ഈ കേസിനെ വരുംനാളിലെ തെരഞ്ഞെടുപ്പുകളില്‍ എല്‍ഡിഎഫിനെതിരെ ഉപയോഗിക്കാനുള്ള തുറുപ്പുചീട്ടാക്കാനുള്ള മോഹത്തിലാണ് കോണ്‍ഗ്രസ്--- ബിജെപി--മുസ്ലിംലീഗ് എന്നീ കക്ഷികളെല്ലാം അടങ്ങുന്ന പ്രതിപക്ഷം. പക്ഷേ, ഈ സ്വപ്നം കല്ലിലടിച്ച പൂക്കുലപോലെ തകരുമെന്നാണ അദ്‌ുേഹം പറഞ്ഞത്. ഇടതു മുനണ്‌നി കൊണ്ടുവന്ന ഉദ്യോഗസ്ഥനല്ല ശിവശങ്കര്‍. ആക്ഷേപവിധേയനായ ശിവശങ്കര്‍ യുഡിഎഫ് ഭരണകാലത്ത് മര്‍മപ്രധാനമായ സ്ഥാനങ്ങളില്‍ പ്രവര്‍ത്തിച്ച ഉദ്യോഗസ്ഥനാണ്. ഭരണശേഷിയുള്ള ഐഎഎസ് ഉദ്യോഗസ്ഥന്‍ എന്ന പരിഗണനയിലാണ് ഇദ്ദേഹത്തെ മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയായി നിയമിച്ചത്. ആ വിശ്വാസത്തിന് കോട്ടംതട്ടുന്ന പെരുമാറ്റമുണ്ടായി. അതുകൊണ്ടാണ് ആക്ഷേപം വന്നയുടനെ ഒരു അന്വേഷണത്തിനും കാത്തുനില്‍ക്കാതെ മുഖ്യമന്ത്രിയുടെ ഓഫീസില്‍നിന്നും ഐടി സെക്രട്ടറി സ്ഥാനത്തുനിന്നും പുറത്താക്കാനുള്ള ആര്‍ജവം മുഖ്യമന്ത്രി പിണറായി വിജയന്‍ കാട്ടിയതെന്നാണ് കോടിയേരി ലേഖനത്തില്‍ വ്യക്തമാക്കുന്നത്. അതിനാല്‍ ശക്തമായ അന്വേഷണം തുടര്‍ന്ന് സര്‍ക്കാരിന്റെ മുഖം രക്ഷിക്കാനുള്ള തീവ്ര ശ്ജ്ഞത്തിലേക്കാണ് ഇനി മുഖ്യമന്ത്രി.