പൃഥ്വിരാജ് ആരാകുമായിരുന്നു

---

  സിനിമയില്‍ വന്നില്ലായിരുന്നെങ്കില്‍ ആരാകുമായിരുന്നു എന് ചോദ്യം നമ്മുടെ പലസൂപ്പര്‍ സറ്റാറുകളോടു ചോദിച്ചാലും ഒരു നിമിഷം ഉത്തരത്തിനായി ഒന്നു പരതും. എന്നാല്‍ സൂപ്പര്‍ താരവും, സൂപ്പര്‍ സംവിധായകനുമായ പൃഥ്വി യോട് ചോദ്യം ചോദിച്ചപ്പോള്‍ ഉത്തരം റെഡി. ഒരു സംശയവും വേണ്ട , സിനിമയില്‍ വന്നില്ലായിരുന്നെങ്കില്‍ ഒരു ട്രാവല്‍ റൈറ്റര്‍ ആകുമായിന്നും. മുന്‍കൂട്ടി തീരുമാനിച്ചുറപ്പിച്ച യാത്രകളോട് താല്‍പ്പര്യമില്ല. കിട്ടുന്ന ട്രെയ്നുകള്‍ കയറി പോകുക. കാണാത്ത സ്ഥലങ്ങള്‍ കാണുക. ട്രാവല്‍ ബ്ലോഗുകളില്‍ പരാമര്‍ശിക്കാത്ത സ്ഥലങ്ങള്‍ കാണാനാണ് ഇഷ്ടം. ഗ്രാമങ്ങള്‍ കാണാനാണ് എനിക്കും ഭാര്യ സുപ്രിയയ്ക്കും താല്‍പ്പര്യം. സിനിമയെന്നാല്‍ താങ്കള്‍ക്ക് എന്താണ്? എനിക്കെല്ലാം സിനിമയാണ്. സ്വന്തം ഭാഗം മാത്രം അഭിനയിച്ച് അതിനുശേഷം കാരവനില്‍ കയറിയിരുന്ന് വിശ്രമിക്കുന്ന ആളല്ല ഞാന്‍. ഓഡിഷന്‍ മുതല്‍ വിഎഫ്എക്സ് വരെയുള്ള സിനിമയുടെ എല്ലാതലങ്ങളിലും എന്റെ ശ്രദ്ധ പതിയും. സിനിമ കൂട്ടായ പരിശ്രമമാണ്. ഏറ്റവും മികച്ചതൊന്നിനെ അവതരിപ്പിക്കാന്‍ എല്ലാ ശ്രമവും നടത്തുകയെന്നതാണ് എന്റെ രീതി. അതുകൊണ്ടാണ് എന്റെ ആദ്യ ചിത്രം എല്ലാവര്‍ക്കും ഇഷ്ടപെടാനും കാരണം. സിനിമ എനിക്കൊരു ടീം വര്‍ക്കാണ്. അത് എന്റെ ചിത്രത്തില്‍ എല്ലാവരും കാണിച്ചു. കടുകട്ടി ഇംഗ്ലീഷ് വാക്കുകള്‍ കടന്നുവരുന്നു. എന്താണിത്? മനപൂര്‍വ്വമാണോ? ഒരിക്കലുമല്ല. എനിക്ക് തീവ്രമായി എഴുതണമെന്നു തോന്നുന്ന കാര്യങ്ങള്‍ മാത്രമേ ഞാന്‍ എഴുതാറുള്ളൂ. അത് എഴുതുമ്പോള്‍ ഉള്ളില്‍ നിന്നുവരുന്ന വാക്കുകള്‍ അതേ പടി ഉപയോഗിക്കും. കുറച്ചു കൂടി ലളിതമായ വാക്ക് വേണോ, എഡിറ്റ് ചെയ്യണോ എന്ന ചിന്തയൊന്നും വരില്ല. സത്യത്തില്‍ മലയാളമാണ് എനിക്ക് നന്നായി വഴങ്ങുക. പക്ഷേ മലയാളത്തില്‍ ടൈപ്പ് ചെയ്യാനുള്ള പ്രയാസം കൊണ്ട് ഇംഗ്ലീഷില്‍ എഴുതുന്നതാണ്. വിട്ടുകള മാഷേ.. താങ്കളെ പറ്റിയുള്ള ട്രോളുകള്‍ ശ്രദ്ധിക്കാറുണ്ടോ? ട്രോളുകള്‍ ഞാന്‍ കാണാറുണ്ട്. ചിലതിലെ ഹാസ്യം നന്നായി ആസ്വദിക്കാറുമുണ്ട്. മാറ്റണമെന്ന് ആഗ്രഹിക്കുന്ന സ്വന്തം സ്വഭാവം? ദേഷ്യം നിയന്ത്രിക്കണമെന്നുണ്ട്. ദേഷ്യം വന്നാല്‍ ദേഷ്യപ്പെടും. അതാണ് എന്റെ രീതി.