രാഹുല്‍ സൈനികരെ അവഹേളിക്കുന്നു : ബി ജെ പി

  രാഹുല്‍ ഗാന്ധിക്കെതിരെ കരുത്ത നീക്കങ്ങളുമായി ബി ജെ പി രംംത്ത് . ചൈനീസ് പ്രശനത്തില്‍ രാഹുലിന്റെ നിലപാടുകളാണ് ഇതിന് കാരണം. സൈനികരെ നിനരന്തരം അവഹേളിക്കുന്ന പ്രസ്താവന നടത്തിയതുകൊണ്ടാണ് രാഹുല്‍ ഗാന്ധിയുടെ രാഷ്ട്രീയജീവിതം 2019ല്‍ അവസാനിച്ചതെന്ന് ബിജെപി വക്താവ് ജിവിഎല്‍ നരസിംഹ റാവു. ചൈനയുടെ കയ്യേറ്റവുമായി ബന്ധപ്പെട്ട് നിരന്തരം സര്‍ക്കാരിനെ ആക്രമിക്കുന്ന രാഹുല്‍ ഗാന്ധിയുടെ പ്രസ്താവനകളോടു പ്രതികരിക്കുകയായിരുന്നു അദ്ദേഹം. അസത്യം സത്യമെന്ന രീതിയില്‍ അവതരിപ്പിക്കുകയാണ് രാഹുല്‍ ചെയ്യുന്നത്. ഗല്‍വാനില്‍ വീരമൃത്യു വരിച്ച 20 സൈനികരുടെ ധീരതയെ പ്രസ്താവനകളിലൂടെ അവഹേളിക്കുകയാണ്. സര്‍ജിക്കല്‍ സ്‌ട്രൈക്ക് നടന്നപ്പോഴും ബാലാക്കോട്ട് ആക്രമണം നടന്നപ്പോഴും രാഹുല്‍ അതു ചെയ്തിരുന്നു. കോണ്‍ഗ്രസ് ഭരണകാലത്ത് 43,000 ചതുരശ്ര കിലോമീറ്റര്‍ ചൈനയ്ക്ക് അടിയറ വച്ചതായും റാവു ആരോപിച്ചു. ഇന്ത്യന്‍ പ്രദേശത്തേക്ക് ചൈന നടത്തിയ കടന്നുകയറ്റത്തെക്കുറിച്ച് നുണ പറയാന്‍ തനിക്കാവില്ലെന്നും അതു തന്റെ രാഷ്ട്രീയ ഭാവി ഇല്ലാതാക്കിയാലും കുഴപ്പമില്ലെന്നും കോണ്‍ഗ്രസ് എംപി രാഹുല്‍ ഗാന്ധി. 'ചൈനീസ് സേന ഇന്ത്യന്‍ പ്രദേശത്ത് നിലയുറപ്പിച്ചിരിക്കുകയാണെന്ന കാര്യം വ്യക്തമാണ്. അതേക്കുറിച്ചാലോചിക്കുമ്പോള്‍ എന്റെ രക്തം തിളയ്ക്കുന്നു. കടന്നുകയറ്റത്തെക്കുറിച്ച് ഞാന്‍ മൗനം പാലിക്കില്ല. ആരും കടന്നുകയറിയിട്ടില്ലെന്ന നുണ പറയാനും ഞാനില്ല. അതുവഴി എന്റെ ഭാവി നശിച്ചാലും സാരമില്ല. ചൈനീസ് കടന്നുകയറ്റത്തെക്കുറിച്ചു നുണ പറയുന്നവര്‍ ദേശീയവാദികളോ ദേശഭക്തരോ അല്ല' - പ്രധാനമന്ത്രി നരേന്ദ്ര മോദിയെ ഉന്നംവച്ച് വിഡിയോ സന്ദേശത്തില്‍ രാഹുല്‍ പറഞ്ഞു.