തിരഞ്ഞെടുപ്പ് കാലമായി പദ്ധതികള്‍ വൈകിപ്പിക്കണം നിര്‍ദേശവുമായി കോണ്‍ഗ്രസ്

കേരളത്തില്‍ നടപ്പിലാക്കിക്കൊണ്ടിരിക്കുന്ന ജനപ്രിയപദ്ധതികള്‍ വൈകിപ്പിക്കാന്‍ ആവുന്നതും കാര്യങ്ങള്‍ ചെയ്യണമെന്നും. കഴിവതും എല്ലാ പദ്ധതികളിലെയും ചെറിയ പ്രശ്‌നങ്ങള്‍ പോലും വന്‍ വിവാദമാക്കുന്നതിനുള്ള സഹായം നല്‍കണമെന്നും കെ പി സി സി പ്രസിഡന്റ്. ജനങ്ങള്‍ക്ക് എങ്ങനെയും സഹായം നല്‍കാനുള്ള വഴി സര്‍ക്കാര്‍ തേടുമ്പോഴാണ് ജനങ്ങളെ വിഷമിപ്പിച്ച് രാഷ്ട്രീയ നേട്ടം കൊയ്യാന്‍ സാധിക്കുമോ എന്ന കുറുക്കുവഴിയുമായി കോണ്‍ഗ്രസ് രംഗത്ത് വന്നിരിക്കുന്നത്. ഉദ്യോഗസ്ഥരുടെ പ്രത്യേക യോഗം വിളിച്ചാണ് ഇക്കാര്യം ആവശ്യപ്പെട്ടത്. വിവാദമുണ്ടാക്കാന്‍ പറ്റുന്ന ഫലയുകള്‍ ഫയലുകള്‍ ചോര്‍ത്താനും സര്‍ക്കാരിനെതിരെ രംഗത്തിറങ്ങാനും സര്‍ക്കാര്‍ ഉദ്യോഗസ്ഥരോട് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ നിര്‍ദേശം നല്‍കി. സര്‍ക്കാര്‍ ഉദ്യോഗസ്ഥരുടെ യോഗം ഒരു രാഷ്ട്രീയ പാര്‍ടി നേരിട്ട് വിളിച്ച് സര്‍ക്കാരിനെതിരെ രംഗത്ത് വരാന്‍ നിര്‍ദേശിക്കുന്നത് ആദ്യമാണ്. സര്‍വീസ് ചട്ടങ്ങള്‍ക്ക് വിരുദ്ധമായി നടത്തിയ യോഗത്തില്‍ 40 ഉദ്യോഗസ്ഥര്‍ പങ്കെടുത്തു. കെപിസിസി വൈസ് പ്രസിഡന്റ് ടി സിദ്ദിഖ്, ജനറല്‍ സെക്രട്ടറിമാരായ തമ്പാനൂര്‍ രവി, പാലോട് രവി തുടങ്ങിയവരും പങ്കെടുത്തു. പഞ്ചായത്ത് തെരഞ്ഞെടുപ്പ് അടുത്ത സാഹചര്യത്തിലാണ് മുല്ലപ്പള്ളി നേരിട്ട് ഉദ്യോഗസ്ഥരുടെ യോഗം വിളിച്ചത്. തെരഞ്ഞെടുപ്പുകളില്‍ കോണ്‍ഗ്രസിന് സഹായകരമായ പ്രവര്‍ത്തനം നടത്താന്‍ നിര്‍ദേശിച്ചു. ഓഫീസേഴ്സ് ആന്‍ഡ് സര്‍വീസ് ഓര്‍ഗനൈസേഷന്‍സ് സെല്ലിന്റെ പേരില്‍ ഓണ്‍ലൈനായാണ് യോഗം ചേര്‍ന്നത്. ഉമ്മന്‍ചാണ്ടിയുടെ പ്രൈവറ്റ് സെക്രട്ടറി പി എസ് ശ്രീകുമാറാണ് സെല്‍ കണ്‍വീനര്‍. സര്‍ക്കാര്‍ വിവരങ്ങള്‍ ചോര്‍ത്തി കെപിസിസിക്ക് നല്‍കണമെന്നാണ് പ്രധാന നിര്‍ദേശം. വിവരാവകാശ നിയമപ്രകാരം ചോദിക്കേണ്ട വിഷയങ്ങള്‍ ശ്രദ്ധയില്‍പ്പെടുത്തുക, വിവരങ്ങള്‍ ചോര്‍ത്തി മാധ്യമങ്ങള്‍ക്ക് നല്‍കി വിവാദമാക്കുക, ഓഫീസുകള്‍ കേന്ദ്രീകരിച്ച് ജനങ്ങളെ പരമാവധി സര്‍ക്കാരിനെതിരാക്കുക, വികസന ക്ഷേമ പ്രവര്‍ത്തനങ്ങള്‍ താമസിപ്പിക്കുകയും അര്‍ഹരായവര്‍ക്ക് ആനുകൂല്യം നല്‍കാതിരിക്കാനും ശ്രമിക്കുക തുടങ്ങിയ നിര്‍ദേശങ്ങളും യോഗത്തിലുണ്ടായി. കെപിസിസിയുടെ ലെറ്റര്‍ ഹെഡില്‍ യോഗതീരുമാനങ്ങള്‍ സംഘടനാ നേതാക്കള്‍ക്ക് നല്‍കിയിട്ടുണ്ട്.