യൂത്ത് കോണ്‍ഗ്രസ് ഇടഞ്ഞു,സമരം പിന്‍വലിച്ച് ചെന്നിത്തല

പിണറായി സര്‍ക്കാരിനെ മുട്ടുകുത്തിക്കാനായി തുടങ്ങിയ സമരത്തില്‍ നിന്ന് യൂത്ത് കോണ്‍ഗ്രസ് പിന്‍വലിയാന്‍ തീരുമാനിച്ചതോടെ കൊവിഡിനെ കൂട്ടുപിടിച്ച് ചെന്നിത്തലയും സംഘവും രംഗം വിട്ടു. കഴിഞ്ഞ എണ്‍പത്തിമൂന്ന് ദിവസമായി സര്‍ക്കാരിനെതിരെ ഉന്നയിച്ച ആരോപണങ്ങളില്‍ ഒന്നില്‍ പോലും ഒരു തെളിവും പുറത്തുവിടാന്‍ സാധിക്കാത്തതും, അന്വേഷണ ഏജന്‍സികള്‍ വന്നിട്ടും ഒരു തരിമ്പും സര്‍ക്കാരിനെതിരെ കണ്ടത്താന്‍ സാധിക്കാതിരുന്നതുമാണ് യുവജന നേതാക്കളുടെ എതിര്‍പ്പിന് ഇടയാക്കിയത്. അതിനുമപ്പുറം ഉമ്മന്‍ചാണ്ടിയുടെ നിയമസഭാ അംഗത്വ സുവര്‍ണ ജൂബിലി ആഘോഷം നടന്നദിവസം അതിന്റെ ശോഭകെടുത്താന്‍ വിറ്റി ബലറാം ശബരിനാഥ് എന്നിവര്‍ ചേര്‍ന്ന നടത്തിയ അക്രമസമരം എ ഗ്രൂപ്പുകാരായ യൂത്ത് നേതാക്കളുടെയും അണികളുടെയും കടുത്ത പ്രതിഷേധത്തിന് ഇടയാക്കി. തങ്ങള്‍ ഇനി തല്ലുകൊള്ളാന്‍ ഇല്ലന്ന് അവര്‍ കോണ്‍ഗ്രസ് വേദികളില്‍ പരസ്യമായി പ്രഖ്യാപിക്കുകയും ചെയ്തു. സ്വര്‍ണകടത്ത് കേസില്‍ മുഖമന്ത്രിയെ ചോദ്യം ചെയ്യും, അതു കഴിഞ്ഞ് അദ്ദേഹത്തിന്റെ കുടുംബാഗങ്ങളിലേക്ക് കേസുകള്‍ നീളും തുടങ്ങിയ കാംപയനുകളുമായിട്ടായിരുന്നു യൂത്ത് കോണ്‍ഗ്രസ് നേതാക്കളെ കളത്തിലിറക്കിയത്. അത് ക്‌ളച്ച് പിടിക്കാതെ വന്നപ്പോള്‍ ലൈഫ് മിഷന്‍ കൊണ്ടുവന്നു, അതു കഴിഞ്ഞ് ഖുറാന്‍ വിവാദമാക്കി. അതില്‍ ജലീലിനെ ചോദ്യം ചെയ്യാന്‍ വിളിച്ചപ്പോള്‍ അണികള്‍ ഒന്ന് ആവേശത്തില്‍ ആയതാണ്. പക്ഷെ പിന്നീട് കാര്യമായ പുരോഗതി ഇല്ലാതായതോടെ അവകര്‍ക്ക് മടുത്തു. സോളാര്‍ കേസുപോലെ സ്വര്‍ണകേസ് ഉയര്‍ത്താം എന്ന് വിശ്‌സിച്ചവര്‍ക്ക് എല്ലാം തിരിച്ചടി ആയി മാറി. ആരോപണങ്ങള്‍ ഒന്നൊന്നായി പൊളിഞ്ഞു. കെട്ടിപ്പൊക്കിയ മനക്കോട്ടകള്‍ കണ്‍മുന്നില്‍ തകര്‍ന്നു. ജനങ്ങളും മുഖംതിരിച്ചതോടെ സമരം പിന്‍വലിച്ച് തടിയൂരുകയാണ് യുഡിഎഫ്. കേരളത്തില്‍ പരിഹാസ്യമായ സര്‍ക്കാര്‍ വിരുദ്ധ സമരമായി ചെന്നിത്തലയുടെ സ്വപ്‌ന സമരം. സ്വര്‍ണക്കടത്തിന്റെ പേരില്‍ ഇല്ലാക്കഥകള്‍ പറഞ്ഞ് സമരം. കോവിഡ് മാനദണ്ഡങ്ങള്‍ പാലിക്കാതെയുള്ള സമരത്തിലൂടെ ഓരോ ദിവസവും രോഗികള്‍ വര്‍ധിച്ചു. ആരോഗ്യപ്രവര്‍ത്തകരും പൊലീസുകാരുമുള്‍പ്പെടെ രോഗബാധിതരായി. കെഎസ്യു പ്രസിഡന്റിന് കോവിഡ് സ്ഥിരീകരിച്ചതും അദ്ദേഹം വ്യാജ പേരില്‍ പരിശോധന നടത്തിയ സംഭവവും യുഡിഎഫിന് നാണക്കേടായി. തൃശൂരില്‍ സമരത്തിനിറങ്ങിയ നേതാവിന്റെ അച്ഛന്‍ കോവിഡ് ബാധിച്ച് മരിച്ചതും കടുത്ത വിമര്‍ശനമുയര്‍ത്തി.