ഇറ്റലിയിൽ കൊടുങ്കാറ്റു നാശംവിതച്ചു

ഇറ്റലിയിൽ ശക്തമായ മഴയും 'അലക്സ്' കൊടുങ്കാറ്റും  നാശംവിതച്ചു. വിവിധ പ്രദേശങ്ങളിൽ നദികൾ കരകവിഞ്ഞൊഴുകയും വഴിമാറിയൊഴുകുകയും ചെയ്തു.  പലയിടത്തും റോഡുകളും പാലങ്ങളും ഒഴുകിപ്പോയി. മണ്ണിടിച്ചിലും രൂക്ഷമാണ്. രണ്ടുപേർ മരണമടഞ്ഞതായും രണ്ടുപേരെ കാണാതായതായും മാധ്യമങ്ങൾ റിപ്പോർട്ടുചെയ്തു.

റോഡുകൾ തകരുകയും വാഹന ഗതാഗതം സ്തംഭിക്കുകയും ചെയ്തതോടെ പ്രദേശത്തെ പല ഗ്രാമങ്ങളും ഒറ്റപ്പെട്ട അവസ്ഥയിലാണ്. നിരവധി വീടുകളും തകർന്നിട്ടുണ്ട്.    പിയമോന്തേ, ലിഗൂറിയ തുടങ്ങിയ റീജിയനുകളുടെ വടക്കുപടിഞ്ഞാറൻ പ്രദേശങ്ങളിൽ അടിയന്തിരാവസ്ഥയ്ക്കു സമാനമായ സാഹചര്യങ്ങളാണ് നിലവിലുള്ളതെന്ന് അധികൃതർ പറഞ്ഞു.