സനൂപ് വധത്തിനു പിന്നില്‍ സംഘപരിവാര്‍

അക്രമം അഴിച്ചു വിടുകയും അക്രമത്തിനു പിന്നില്‍ തങ്ങളല്ലെന്ന് വിളിച്ചു പറയുകയും ചെയ്യുന്നത് ആര്‍എസ്എസിന്റെ സ്ഥിരം പരിപാടിയാണെന്നു മന്ത്രി എ.സി. മൊയ്തീന്‍. എല്‍ഡിഎഫ് കണ്‍വീനര്‍ക്കൊപ്പം സനൂപിന്റെ വീട് സന്ദര്‍ശിച്ചശേഷം മാധ്യമങ്ങളോട് പ്രതികരിക്കുകയായിരുന്നു മൊയ്തീന്‍. പ്രദേശവാസികളില്‍നിന്നും ലഭ്യമായ വിവരത്തിന്റെ അടിസ്ഥാനത്തിലും ദൃക്സാക്ഷിയുടെ മൊഴിയുടെ അടിസ്ഥാനത്തിലുമാണ് സനൂപിനെ വധിച്ചത് ആര്‍എസ്എസ്, ബജറംഗ്ദള്‍ പ്രവര്‍ത്തകരാണെന്ന് താന്‍ പ്രതികരിച്ചത്. താന്‍ പറഞ്ഞതില്‍ ഉറച്ച് നില്‍ക്കുകയാണ്. ഒരു ചെറുപ്പക്കാരനെ കൊലപ്പെടുത്തി നുണ പ്രചാരണത്തിലൂടെ രാജ്യത്ത് കാലാപം സൃഷ്ടിക്കാനുള്ള ശ്രമമാണ് നടന്നു വരുന്നത്. കുന്നംകുളത്തെ സമാധാന അന്തരീക്ഷം എങ്ങനെ തകര്‍ക്കാം എന്നതാണ് ആര്‍ എസ്.എസ്. ആലോചിക്കുന്നത്. ആര്‍എസ്എസ് നുണ പ്രചാരണം അവസാനിപ്പിച്ച് കത്തി താഴെ വയ്ക്കണമെന്നും മൊയ്തീന്‍ വ്യക്തമാക്കി.