മോഹാലന്റെ ഷര്‍ട്ടിന്റെ വില കണ്ണ് തള്ളി ആരാധകര്‍

സോഷ്യല്‍ മീഡിയയില്‍ കഴിഞ്ഞ ദിവസം മോഹന്‍ലാലിന്റെ ഒരു മാസ് എന്‍ട്രി വീഡിയോ വൈറലായിരുന്നു. ദൃശ്യം 2 ന്റെ ലൊക്കേഷനിലേയ്ക്കുള്ള താരരാജാവിന്റെ വരവായിരുന്നു അത്. ആരാധകര്‍ മാത്രമല്ല താരങ്ങളും താരത്തിന്റ ആ വീഡിയോ ഏറ്റെടുത്തിരുന്നു.ഇപ്പോ സോഷ്യല്‍ മീഡിയയില്‍ ചര്‍ച്ചയാകുന്നത് ആ വിഡിയോയില്‍ മോഹന്‍ലാല്‍ ധരിച്ച വെള്ള നിറത്തിലുള്ള ഷര്‍ട്ടാണ്.
വെള്ള ഷര്‍ട്ടും ബ്ലാക്ക് ജീന്‍സും അണിഞ്ഞാണ് സൂപ്പര്‍ സ്റ്റാറിന്റെ എന്‍ട്രി. ഷര്‍ട്ടിന്റെ വില തിരഞ്ഞ് കണ്ടെത്തിയിരിക്കുകയാണ് ആരാധകര്‍. മോഹന്‍ലാല്‍ വെറ്റ് കള്ളര്‍ ഷര്‍ട്ടില്‍ അതീവ സുന്ദരനായിരുന്നു. ഇതിനെ തുടര്‍ന്നാണ് ലാലേട്ടന്റെ ഷര്‍ട്ടിന് പിന്നാലെ ആരാധകര്‍ പാഞ്ഞത്.ഇറ്റാലിയന്‍ ലക്ഷ്വറി ബ്രാന്‍ഡായ പോള്‍ ആന്‍ഡ് ഷാര്‍ക്കിന്റെ ഷാര്‍ട്ടാണ് മോഹന്‍ലാല്‍ ധരിച്ചിരിക്കുന്നത്.വിവിധ ഓണ്‍ലൈന്‍ സൈറ്റുകളിലായി 250 (21579)യൂറോയ്ക്ക് മുകളിലും താഴെയുമാണ് വില കാണിക്കുന്നത്. ചില ഓണ്‍ലൈന്‍ സൈറ്റുകളില്‍18000-20,000 നും ഇടയിലാണ് വില കാണിക്കുന്നത്. വില കൂടുതലാണെങ്കിലും ഷര്‍ട്ട് കിടുക്കിയെന്നാണ് ആരാധകരുടെ പക്ഷം.