മഞ്ജുവിന്റെ ധൈര്യവും കരുത്തും സൗന്ദര്യവും കാട്ടി കറുത്ത ചുരിദാറില്‍ മീനാക്ഷി

മഞ്ജു വാര്യരുടെയും ദിലീപിന്റെയും ജീവിതത്തില്‍ എന്ത് സംഭവിച്ചാലും പ്രേക്ഷകര്‍ കേള്‍ക്കാന്‍ ആവേശമാണ്. അതുകൊണ്ട് തന്നെ മീനാക്ഷി ദിലീപും ഒരു കൊച്ചു സ്റ്റാറാണ്. അച്ഛനും അമ്മയും വിവാഹ ബന്ധം വേര്‍പിരിഞ്ഞപ്പോള്‍ അച്ഛനൊപ്പം നില്‍ക്കാന്‍ തീരുമാനിച്ച മീനാക്ഷിയെ കുറിച്ച് പലരും പലതും പറഞ്ഞിരുന്നു. എന്നാല്‍ അതൊന്നും മീനാക്ഷി ശ്രദ്ധിച്ചതേയില്ല.
ചെറുപ്പം മുതലേ വിവാദങ്ങള്‍ കേട്ട് കേട്ട് വളര്‍ന്നതുകൊണ്ടാവാം, മീനാക്ഷിയ്ക്ക് പാപ്പരാസികളോടൊക്കെ വളരെ അധികം പുച്ഛം മാത്രമാണുള്ളത്. സോഷ്യല്‍ മീഡിയയില്‍ അത്രയൊന്നും സജീവമല്ലെങ്കിലും മീനാക്ഷിയുടെ പുതിയ പുതിയ ചിത്രങ്ങള്‍ സോഷ്യല്‍ മീഡിയയില്‍ വളരെ പെട്ടന്ന് വൈറലാവാറുണ്ട്. അത്തരത്തിലൊരു ചിത്രമിതാ.
കറുപ്പ് ചുരിദാറില്‍ അതീവ സുന്ദരിയായി നില്‍ക്കുന്ന മീനാക്ഷിയുടെ പുതിയ ചിത്രങ്ങള്‍ വൈറലാവുന്നു. വളര്‍ന്ന് വരുമ്പോള്‍ മീനാക്ഷിയ്ക്ക് സൗന്ദര്യം കൂടുന്നു എന്നും, വലുതാവുന്തോറും മഞ്ജുവിന്റെ ഛായയാണ് മീനാക്ഷിയ്ക്കെന്നുമൊക്കെയാണ് ആരാധകരുടെ കമന്റുകള്‍. എന്ത് തന്നെയായാലും പ്രശ്നങ്ങളെ നേരിടാന്‍ മീനാക്ഷിയ്ക്ക് മഞ്ജുവിനോളം ക്ഷമയും കരുത്തുമുണ്ട്.
മറ്റ് പല താരപുത്രിമാരുടെയും പുത്രന്മാരുടെയും സിനിമാ പ്രവേശനത്തെ കുറിച്ച് വാര്‍ത്തകള്‍ വരാറുണ്ടെങ്കിലും മീനാക്ഷയെ മാത്രം സിനിമാ ലോകത്തേക്ക് പ്രതീക്ഷിക്കേണ്ടതില്ല എന്നാണ് വിലയിരുത്തലുകള്‍. മഞ്ജുവിനെയും കാവ്യ മാധവനെയും അഭിനയിക്കാന്‍ വിടാത്ത ദിലീപ് തീര്‍ച്ചയായും മീനാക്ഷിയെയും വിടില്ല. മാത്രമല്ല, മീനാക്ഷിയ്ക്ക് സിനിമാ ഫീല്‍ഡിനോട് വലിയ താല്‍പര്യമില്ല എന്നാണ് പറയുന്നത്.