ചന്ദ്രോപരിതലത്തില്‍ ജല സാന്നിധ്യം

ചന്ദ്രനില്‍ സൂര്യപ്രകാശമേല്‍ക്കുന്ന ഭാഗത്ത് ജലം കണ്ടെത്തി. നാസയുടെ സ്ട്രാറ്റോസ്ഫെറിക് ഒബ്സര്‍വേറ്ററി ഫോര്‍ ഇന്‍ഫ്രാറെഡ് (സോഫിയ) ആണ് കണ്ടെത്തല്‍ നടത്തിയത്. ചന്ദ്രനില്‍ സൂര്യപ്രകാശമേല്‍ക്കുന്ന ഉപരിതലത്തില്‍ ജലം കണ്ടെത്തുന്നത് ഇതാദ്യമായാണ്. ചന്ദ്രോപരിതലത്തില്‍ ഒട്ടുമിക്കയിടത്തും ജലമുണ്ടാകാന്‍ സാധ്യതയുണ്ടെന്നും നാസ അറിയിച്ചു.
ചന്ദ്രന്റെ തെക്കന്‍ അര്‍ദ്ധ ഗോളത്തില്‍ സ്ഥിതി ചെയ്യുന്ന ഭൂമിയില്‍ നിന്ന് ദൃശ്യമാകുന്ന ഏറ്റവും വലിയ ഗര്‍ത്തങ്ങളിലൊന്നായ ക്ലാവിയസിലാണ് ജല തന്മാത്രകളെ കണ്ടെത്തിയത്. നേച്ചര്‍ ജ്യോതിശാസ്ത്രത്തിന്റെ പുതിയ ലക്കത്തിലാണ് ഫലങ്ങള്‍ പ്രസിദ്ധീകരിച്ചിരിക്കുന്നത്.