ബിജെപിക്ക് ബാധ്യതയായി സിന്ധ്യ; മധ്യപ്രദേശ് ഉപതെരഞ്ഞെടുപ്പ് പ്രചാരണത്തില്‍ നിന്ന് പൂര്‍ണമായും തഴഞ്ഞു

ബിജെപിക്ക് ബാധ്യതയായി ജ്യോതിരാദിത്യ സിന്ധ്യ, സിന്ധ്യക്ക് ഏറെ സ്വാധീനമുണ്ടെന്ന് കരുതിയ ഗ്വാളിയോര്‍ മേഖലയിലെ തെരഞ്ഞെടുപ്പ് പ്രചാരണത്തില്‍ നിന്ന് അദ്ദേഹത്തെ പൂര്‍ണമായും തഴഞ്ഞിരിക്കുകയാണ് ബിജെപി, മേഖലയില്‍ സിന്ധ്യക്ക് ഉണ്ടായിരുന്ന സ്വാധീനം നഷ്ടപ്പെട്ടു എന്നാണ് ബിജെപി കേന്ദ്ര നേതൃത്വത്തിന്റെ വിലയിരുത്തല്‍. കോണ്‍ഗ്രസിന്റെ പടക്കുതിരയായി ഗണിക്കപ്പെട്ടിരുന്ന സിന്ധ്യ ബിജെപിയിലെത്തിയത് ദേശീയ തലത്തില്‍ കോണ്‍ഗ്രസിന് ഏറെ ക്ഷീണമായിരുന്നു,സിന്ധ്യയുടെ വരവ് ബിജെപി ഏറെ ആഘോഷമാക്കുകയും ചെയ്തു, ബിജെപിയിലെത്തിയ ഉടന്‍ സിന്ധ്യക്ക് രാജ്യസഭാ അംഗത്വം ലഭിക്കുകയുണ്ടായി.
കോണ്‍ഗ്രസ് എംഎല്‍എമാര്‍ രാജി വെച്ച മധ്യപ്രദേശിലെ 28 നിയമസഭാ മണ്ഡലങ്ങളിലേക്കാണ് ഉപതെരഞ്ഞെടുപ്പ് നടക്കുന്നത്, ഉപതെരഞ്ഞെടുപ്പോടനുബന്ധിച്ച് ബിജെപി പുറത്തിറക്കിയ പോസ്റ്ററുകളിലൊന്നും തന്നെ സിന്ധ്യയുടെ സാന്നധ്യമില്ല, നേരത്തെ സിന്ധ്യയുടെ ശക്തി കേന്ദ്രങ്ങളായിരുന്ന സ്ഥലങ്ങളില്‍ സച്ചിന്‍ പൈലറ്റിനെയാണ് കോണ്‍ഗ്രസ് പ്രചാരണത്തിന് ഇറക്കിയിരിക്കുന്നത്.