ചിമ്പുവിന്റെ ‘ഈശ്വരന്‍’ഫസ്റ്റ്ലുക്ക് ശ്രദ്ധേയമാകുന്നു

സൂപ്പര്‍ താരം ചിമ്പുവിന്റെ 'ഈശ്വരന്‍' എന്ന പുതിയ സിനിമയുടെ ഫസ്റ്റ്ലുക്ക് ശ്രദ്ധേയമാകുന്നു. കഥാപാത്രത്തിനായി വണ്ണം കുറച്ചെത്തിയ ചിമ്പുവിന്റെ ലുക്കാണ് ആരാധകര്‍ ഏറ്റെടുത്തിരിക്കുന്നത്. പാമ്പിനെ കഴുത്തിലിട്ട് നില്‍ക്കുന്ന ചിമ്പുവിനെയാണ് ഫസ്റ്റ്ലുക്കില്‍ കാണാനാവുക. ഗ്രാമീണ പശ്ചാത്തലത്തില്‍ ഒരുങ്ങുന്ന ചിത്രം സുശീന്ദിരന്‍ ആണ് തിരക്കഥ എഴുതി സംവിധാനം ചെയ്യുന്നത്.
കൂടാതെ മൂന്ന് വര്‍ഷത്തെ ഇടവേളയ്ക്ക് ശേഷം സോഷ്യല്‍ മീഡിയയില്‍ വീണ്ടും സജീവമായിരിക്കുകയാണ് താരം. ചിത്രത്തിന്റെ ഫസ്റ്റ് ലുക്കിനൊപ്പം ചിമ്പുവിന്റെ വര്‍ക്കൌട്ട് വീഡിയോയും ഫെയ്സ്ബുക് പേജിലൂടെ പുറത്ത് വിട്ടിട്ടുണ്ട്. 'ആത്മന്‍സിലമ്പരസന്‍' എന്ന പേരിലാണ് വീഡിയോ പങ്കുവച്ചിരിക്കുന്നത്. ഇതും വൈറലായിരിക്കുകയാണ്.
ഫെയ്സ്ബുക്ക്, ട്വിറ്റര്‍, ഇന്‍സ്റ്റഗ്രാം അക്കൗണ്ടുകളെല്ലാം ചിമ്പു വീണ്ടും ആക്റ്റിവേറ്റ് ആക്കി.