മൂക്കുത്തി പെണ്ണിന്റെ ഫോട്ടോ ഷൂട്ട് വൈറല്‍

മലയാള ടെലിവിഷന്‍ പരമ്പരകളില്‍ ബാലതാരമായി എത്തി അഭിനയരംഗത്തേക്ക് ചുവടുവച്ച നടിയാണ് മലയാളികളുടെ മൂക്കുത്തി പെണ്ണായ ഇനിയ. നാലാംക്ലാസില്‍ പഠിക്കുമ്പോള്‍ കൂട്ടിലേക്ക് പരമ്പരയിലൂടെയായിരുന്നു ഇനിയയുടെ അരങ്ങേറ്റം.വിജയ ചിത്രം മാമാങ്കത്തില്‍ മികച്ച വേഷത്തിലെത്തിയ താരം നേരത്തെയും നിരവധി സിനിമകളിലൂടെ തന്റെ സാന്നിധ്യം അറിയിച്ചിരുന്നു. നിരവധി പരസ്യ ചിത്രങ്ങളിലും താരം അഭിനയിച്ചിട്ടുണ്ട്.
മലയാളത്തിനു പുറമേ തമിഴ് തെലുങ്ക് കന്നട എന്നീ ഭാഷകളിലും ഇനിയ വേഷമിട്ടു. 2005ല്‍ മിസ് ട്രിവാന്‍ഡ്രം ആയും താരം തിളങ്ങി.കളരി അഭ്യാസവും യോഗയുമാണ് തന്റെ ഫിറ്റ്‌നസ് രഹസ്യമെന്ന് ഇനിയ പലപ്പോഴും പറയാറുണ്ട്. ലോക്ക്‌ഡൌണിനിടയിലും ഓണ്‍ലൈനായി കളരി പഠനം മുന്നോട്ടുകൊണ്ടുപോകുന്നുണ്ടെന്ന് ഇനിയ അടുത്തിടെ പറഞ്ഞിരുന്നു. തന്റെ ഇന്‍സ്റ്റഗ്രാം അക്കൗണ്ടിലൂടെ പുതിയ ഫോട്ടോഷൂട്ട് ചിത്രങ്ങള്‍ പങ്കുവയ്ക്കുകയാണ് ഇനിയ ഇപ്പോള്‍. ചുവപ്പ് മിഡിയും ടോപ്പുമണിഞ്ഞ് സ്‌റ്റൈലിഷ് ലുക്കിലാണ് ഇനിയയുടെ പുത്തന്‍ ചിത്രങ്ങള്‍