എം ശിവശങ്കര്‍ കസ്റ്റഡിയില്‍

ഹൈക്കോടതി മുൻകൂർ ജാമ്യ ഹർജി പിൻവലിച്ചതിന് പിന്നാലെ എം ശിവശങ്കറിനെ എൻഫോഴ്‌സ്‌മെന്ഡറ് കസ്റ്റഡിയിൽ എടുത്തു. ശിവശങ്കർ ചികിൽസയിലുള്ള ത്രിവേണി നേഴ്‌സിങ് ഹോമിലേക്ക് എൻഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥരെത്തി. കൊച്ചിയിലുള്ള ഉദ്യോഗസ്ഥരാണ് ആശുപത്രിയിൽ എത്തിയത്. കോടതി വിധി വന്ന് നിമിഷങ്ങൾക്ക് അകം ആയിരുന്നു ഈ നീക്കം. പിന്നീട് കസ്റ്റഡിയിൽ എടുത്തു. ശിവശങ്കറിനെ അറസ്റ്റ് ചെയ്യുമെന്നാണ് സൂചന. കൊച്ചിയിലേക്കാണ് ശിവശങ്കറിനെ എൻഫോഴ്‌സ്‌മെന്റ് കൊണ്ടു പോകുന്നത്.

ചോദ്യം ചെയ്യലിന് നോട്ടീസ് നൽകിയാണ് ശിവശങ്കറിനെ കസ്റ്റഡിയിൽ എടുത്തിരിക്കുന്നത്. ഇനി ചോദ്യം ചെയ്യും. ശിവശങ്കറിനെ കസ്റ്റഡിയിൽ എടുത്ത് ചോദ്യം ചെയ്യേണ്ടതുണ്ടെന്നും ഹൈക്കോടതിയെ എൻഫോഴ്‌സ്‌മെന്റ് അറിയിച്ചിരുന്നു. ഹൈക്കോടതി ജാമ്യ ഹർജി തള്ളിയതോടെ തന്നെ എൻഫോഴ്‌സ്‌മെന്റ് നടപടിയിലേക്ക് കടക്കുകയായിരുന്നു. ഇഡിയുടെ ഓഫീസിൽ ചോദ്യം ചെയ്ത ശേഷം കസ്റ്റംസും ശിവശങ്കറിനെ ചോദ്യം ചെയ്യും. സ്വർണ്ണ കടത്തിൽ യുഎപിഎ ചുമത്തി എൻഐഎ അറസ്റ്റ് ചെയ്താൽ കാര്യങ്ങൾ കൂടുതൽ പ്രതികൂലമാകും.