കോവിഡില്‍ കേരളത്തിന് ആശ്വാസം

സംസ്ഥാനത്ത് കോവിഡ് വ്യാപനം കുറയുന്നതിന്റെ ആശ്വാസ കണക്കുകളുമായി ആരോഗ്യ വകുപ്പിന്റെ പ്രതിവാര റിപ്പോര്‍ട്ട്. പതിനൊന്നു ജില്ലകളില്‍ ടെസ്റ്റ് പോസിറ്റിവിറ്റി നിരക്ക് കുറഞ്ഞു. ഏറ്റവും മോശം അവസ്ഥയിലായിരുന്ന മലപ്പുറത്ത് ടിപിആര്‍ 11 ശതമാനം കുറഞ്ഞു.

ഒക്ടോബര്‍-18 മുതല്‍ 24 വരെ റിപ്പോര്‍ട്ട് അനുസരിച്ച് 100 പേരെ പരിശോധിക്കുമ്പോള്‍ 31 പേര്‍ക്ക് കോവിഡ് കണ്ടെത്തിയിരുന്ന മലപ്പുറത്ത് 20 ആയി കുറഞ്ഞു. തൃശൂരില്‍ 17 ല്‍ നിന്ന് 14 ആയും കോഴിക്കോട് 13 ആയും കുറവ് രേഖപ്പെടുത്തി. എറണാകുളം, കാസര്‍കോട് ജില്ലകളില്‍ 16 ശതമാനത്തിലേറെയായിരുന്ന ടിപിആര്‍ യഥാക്രമം 14 ഉം 11 മായി കുറഞ്ഞു.

ആകെ രോഗബാധിതരുടെ എണ്ണം നാല് ലക്ഷം കടന്നു. പ്രതിദിനം ഇരുപതിനും ഇരുപത്തഞ്ചിനുമിടയില്‍ കോവിഡ് മരണങ്ങള്‍ ഔദ്യോഗികമായി റിപ്പോര്‍ട്ട് ചെയ്യപ്പെടുന്നുണ്ട്.