വിശ്വമാനവികതയുടെ സന്ദേശമോതി ഇന്ന് നബിദിനം

വിശ്വമാനവികതയുടെ സന്ദേശമോതി ഇന്ന് നബിദിനം, കൊവിഡ് പ്രോട്ടക്കോള്‍ നിലനില്‍ക്കുന്നതിനാല്‍ ഇത്തവണ നബിദിനാഘോഷങ്ങള്‍ ഇല്ല. പ്രവാചകനായ മുഹമ്മദ് നബിയുടെ ജന്മദിനമാണ് ലോക മുസ്ലിംകള്‍ നബിദിനമായി കൊണ്ടാടുന്നത്. കേരളത്തില്‍ സാധാരണഗതിയില്‍ മദ്രസകളില്‍ നബിദിനത്തോടനുബന്ധിച്ച് കുട്ടികളുടെ കലാപരിപാടികളും ഘോഷയാത്രകാലുമുണ്ടാവാറുണ്ട്, ഒപ്പം ഭക്ഷണവിതരണവും പ്രവാചക പ്രകീര്‍ത്തനങ്ങളുടെ ആലാപനവും നടത്തും. ഇത്തവണ അവയൊക്കെയും മുടങ്ങിയ സ്ഥിതിയാണ്. ഇന്ന് പുലര്‍ച്ചെ പള്ളികളില്‍ മൗലൂദ്( പ്രാവാചക പ്രകീര്‍ത്തനം) ആലപിക്കുന്ന ചടങ്ങ് മാത്രമായിരുന്നു ഈ വര്‍ഷത്തെ നബിദിനാഘോഷത്തിന് ഉണ്ടായിരുന്നത്. കേരള മുഖ്യമന്ത്രി പിണറായി വിജയന്‍ നബിദിനാശംസകള്‍ നേര്‍ന്നു.