രാജ്യത്ത് 80 ലക്ഷം കടന്ന് കൊവിഡ് ബാധിതര്‍

രാജ്യത്ത് കൊവിഡ് ബാധിതരുടെ എണ്ണം 80 ലക്ഷം കടന്നു. 80,40,203 പേര്‍ക്കാണ് ഇതുവരെ രോഗം സ്ഥിരീകരിച്ചത്. കഴിഞ്ഞ 24 മണിക്കൂറുനിടെ രാജ്യത്ത് പ്രതിദിന രോഗികളുടെ എണ്ണം 40,000 കടന്നെങ്കിലും താരതമ്യേനെ കുറവാണ്. മരണസംഖ്യ വീണ്ടും 500 കടന്നു. 24 മണിക്കൂറിനിടെ 49,881 പുതിയ കേസുകളും 517 മരണവുമാണ് റിപ്പോര്‍ട്ട് ചെയ്തത്.കൊവിഡ് ബാധിച്ച് 1,20,527 പേര്‍ക്ക് ഇതുവരെ ജീവന്‍ നഷ്ടമായി. 24 മണിക്കൂറിനിടെ 56,480 പേരാണ് രോഗമുക്തി നേടിയത്. 73,15,989 പേര്‍ ഇരുവരെ രോഗമുക്തി നേടി. കൊവിഡ് ബാധിച്ച് നിലവില്‍ 6,03,687 പേരാണ് ചികിത്സയിലുള്ളത്.
മഹാരാഷ്ട്ര, കേരളം സംസ്ഥാനങ്ങളില്‍ ഇന്നലെ പ്രതിദിനരോഗികള്‍ 5000 കടന്നു. നിലവിലെ രോഗികളില്‍ 15 ശതമാനവും കേരളത്തിലാണ്. ആശങ്ക ഉയര്‍ത്തുന്ന കണക്കുകള്‍ പശ്ചിമ ബംഗാള്‍ ,ഡല്‍ഹി സംസ്ഥാനങ്ങളിലും കഴിഞ്ഞ ദിവസം രേഖപ്പെടുത്തി. പ്രതിദിന കണക്കില്‍ മഹാരാഷ്ട്രയക്ക് ഒപ്പം നില്‍ക്കുന്നതാണ് ഇരുസംസ്ഥാനങ്ങളിലെയും സാഹചര്യം.