എനിക്ക് എല്ലാം നിങ്ങളാണ് പുനം ബജ്വയുടെ പോസ്റ്റ് വൈറല്‍ ആകുന്നു

മലയാളികള്‍ക്ക് ചൈന ടൗണ്‍ എന്ന ചിത്രത്തിലൂടെ ഏറ്റവും സുപരിചിതയായ നടിയാണ് പൂനം ബജ്‌വ.കൂടാതെ വെനീസിലെ വ്യാപാരി, ശിക്കാരി, മാന്ത്രികന്‍, പെരുച്ചാഴി, സക്കറിയ പോത്തന്‍ ജീവിച്ചിരിപ്പുണ്ട്, മാസ്റ്റര്‍പീസ് തുടങ്ങിയ ചിത്രങ്ങളിലൂടെയും താരം മലയാളി മനസില്‍ ഇടം നേടിയിട്ടുണ്ട് . ഇപ്പോഴിതാ താന്‍ പ്രണയത്തിലാണെന്ന് തുറന്ന് പറയുകയാണ് പൂനം ബജ്വ.സുനീല്‍ റെഡ്ഡിയാണ് പൂനത്തിന്റെ കാമുകന്‍. സുനീലിന്റെ പിറന്നാള്‍ ദിനത്തിലാണ് തന്റെ പ്രണയം പ്രേക്ഷകരോടായി നടി തുറന്നുപറഞ്ഞത്. സുനീലിനൊത്തുള്ള ചിത്രങ്ങളും നടി പങ്കുവച്ചിട്ടുണ്ട്.'പിറന്നാള്‍ ആശംസകള്‍ സുനീല്‍. എന്റെ എല്ലാം എല്ലാം. പങ്കാളി, ജീവിതസഹചാരി, റൊമാന്റിക് ഡേറ്റ്, പ്ലേ മേറ്റ് അങ്ങനെ എല്ലാമാണ് നിങ്ങള്‍. നിന്റെ ജീവിതത്തില്‍ എല്ലാ സന്തോഷങ്ങളും ഉണ്ടാകട്ടെ',ചിത്രങ്ങള്‍ പങ്കുവച്ച് പൂനം കുറിച്ചു. പഞ്ചാബി കുടുംബത്തില്‍ ജനിച്ച പൂനം തെലുങ്ക്, കന്നഡ, തമിഴ് എന്നീ ഭാഷകളില്‍ അഭിനയിച്ചിട്ടുണ്ട്. 2005ല്‍ തെലുങ്ക് ചിത്രം മൊഡാതി സിനിമയിലൂടെയാണ് താരം അഭിനയ ലോകത്തേക്ക് എത്തുന്നത് . 2008ല്‍ സേവല്‍ എന്ന ചിത്രത്തിലൂടെ തമിഴകത്തും എത്തി. കഴിഞ്ഞ വര്‍ഷം റിലീസ് ചെയ്ത ജി വി പ്രകാശ് ചിത്രം കുപ്പത്തു രാജയിലാണ് പൂനം അവസാനമായി അഭിനയിച്ചത്.