വിവാഹശേഷം ഓളിച്ചേടുന്ന ഭാര്യ-ഭര്‍ത്താക്കന്‍മാരുടെ ശ്രദ്ധയ്ക്ക്…

എന്തു തന്നെ ആയാലും വിവാഹശേഷം കമിതാക്കളായി ഒളിച്ചോടുന്നത് ഒട്ടും ശരിയായ പ്രവണതയല്ല.
വിവാഹ ശേഷം ഇന്നലെ പരിചയപ്പെട്ട മറ്റൊരാള്‍ക്കൊപ്പം സ്വന്തം ഭര്‍ത്താവിനെയും കുഞ്ഞിനേയും ഉപേക്ഷിച്ചു പോകുന്ന ഭാര്യമാര്‍ അറിയേണ്ട മനസിലാക്കേണ്ട ചിലതുണ്ട്. ഒരു സുപ്രഭാതത്തില്‍ സ്വന്തം സ്വാര്‍ത്ഥത മുന്നില്‍ കണ്ട് ഇറങ്ങുമ്പോള്‍ അവര്‍ കാരണം അപമാനിതരാവുന്ന ചിലരുണ്ട്. അത് ചിന്തിക്കാന്‍ മറക്കുന്നവര്‍ കോട്ടയം സ്വദേശിയായ മഹേഷിന്റേയും നാല് വയസുകാരിയായ മകളുടെ അനുഭവ കഥയൊന്ന് കേള്‍ക്കണം.
ഭാര്യയെയും മകളെയും സന്ദര്‍ശക വിസയ്ക്ക് കുവൈത്തിലേക്ക് കൊണ്ടു പോയപ്പോഴാണ് പ്രവാസിയായ മഹേഷ് തന്റെ ഭാര്യ എഴുപുന്ന സ്വദേശിനി അശ്വതിക്ക് കൂടെ ജോലിചെയ്യുന്ന വിവാഹിതനായ മറ്റൊരാളുമായി ബന്ധമുളളത് മനസ്സിലാക്കുന്നത്.
ആദ്യം ഇക്കാര്യം നിഷേധിച്ച അശ്വതി മഹേഷ് തന്റെ ഫോണ്‍ പരിശോധിച്ചപ്പോള്‍ കാര്യങ്ങള്‍ മനസ്സിലാക്കിയെന്നറിഞ്ഞതൊടെ ഇനി തെറ്റ് ആവര്‍ത്തിക്കില്ലെന്നും ബന്ധം തുടരില്ലെന്നും വാക്കുനല്‍കി. ശേഷം നാട്ടിലേക്ക് തിരിച്ചെത്തി. പുറകെ മഹേഷും നാട്ടില്‍ തിരികെയെത്തി. ഇതിനിടയില്‍ തന്റെ കാമുകനൊപ്പം ഒളിച്ചോടാന്‍ അശ്വതി പദ്ധതി തയ്യാറാക്കുകയും തന്റെ സര്‍ട്ടിഫിക്കറ്റുകള്‍ കാമുകനായ ലിജോയുടെ സുഹൃത്തിന്റെ ഭാര്യയുടെ കൈവശം നല്‍കി.
ശേഷം മഹേഷിനും മകള്‍ക്കുമൊപ്പം ഇടപ്പളളിയിലെ ലുലുമാളില്‍ ഷോപ്പിങിനെത്തി. ഈ സമയം ഭര്‍ത്താവിനെയും മകളെയും പുറത്ത് നിര്‍ത്തി അശ്വതി ശുചിമുറിയിലേക്ക് കയറി. കാമുകന്‍ നല്‍കിയ കറുത്ത ഫര്‍ദ്ദ ധരിച്ച് പുറത്ത് കാത്തു നില്‍ക്കുന്ന കുടുംബത്തിന് മുന്നിലൂടെ യാതൊരു ഭാവമാറ്റവുമില്ലാതെ അവിടെ നിന്നും കാമുകനൊപ്പം കൊടൈകനാലില്‍ കടന്നു കളഞ്ഞു.
ഏറെ നേരമായിട്ടും ഭാര്യ പുറത്ത് ഇറങ്ങാതെയായപ്പോള്‍ മഹേഷ് അന്വേഷിച്ചപ്പോഴാണ് ഭാര്യ കബളിപ്പിച്ച് കടന്ന വിവരം മഹേഷ് മനസ്സിലാക്കുന്നത്. തുടര്‍ന്ന് മഹേഷ് കളമശ്ശേരി പൊലീസില്‍ പരാതി നല്‍കുകയായിരുന്നു. പൊലീസ് നടത്തിയ അന്വേഷണില്‍ അശ്വതിയെയും കാമുകന്‍ ലിജോയെയും ഇടുക്കിയില്‍ വച്ച് പിടികൂടി. അശ്വതി കാമുകനൊപ്പം പോയാല്‍ മതിയെന്ന് പറഞ്ഞതിനാല്‍ പൊലീസ് ലിജോയ്‌ക്കൊപ്പം അയച്ചു. മകള്‍ ഇപ്പോള്‍ മഹേഷിന്റെ സംരക്ഷണയിലാണ്. ഇത്തരം സംഭവങ്ങള്‍ ആവര്‍ത്തിക്കപ്പെടുമ്പോള്‍ ഇതിനിടയില്‍ ബലിയാടാവുന്ന കുരുന്നുകളുടെ ഭാവി കൂടി ഓര്‍ത്താല്‍ നന്ന്. അപമാനിതരാവുന്നത് അവര്‍ കൂടിയാണ്. ഇതോടൊപ്പം കാമുകന്റെ കുടുംബത്തിലെ അവസ്ഥയും ഇതുതന്നെ. ഇതോടൊപ്പം ഇരു കുടുംബങ്ങളിലെയും അടുത്ത ബന്ധുക്കളും അപമാന ഭാരത്താല്‍ തലയുയര്‍ത്തി നടക്കാന്‍ കഴിയാത്ത അവസ്ഥയിലുമാകും.