ബിലീവേഴ്സ് ചര്‍ച്ചിന്റെ സ്ഥാപനങ്ങളില്‍ ആദായ നികുതി വകുപ്പിന്റെ റെയ്ഡ്

കണക്കില്‍പ്പെടാത്തതെന്ന് കരുതുന്ന അരക്കോടിയലധികം രൂപ പിടിച്ചെടുത്തു

കോട്ടയം കേന്ദ്രമാക്കി പ്രവര്‍ത്തിക്കുന്ന ഒരു മാധ്യമസ്ഥപനത്തിന്റെ 10 ഓഫിസുകളിലും റെയ്ഡ് നടന്നു. മുന്‍ സിഇഒയുടെ വീട്ടിലും റെയ്ഡ്

സംസ്ഥാന വ്യാപകമായി ബിലീവേഴ്സ് ചര്‍ച്ചിന്റെ സ്ഥാപനങ്ങളില്‍ ആദായ നികുതി വകുപ്പിന്റെ റെയ്ഡ്. വിവിധ ജില്ലകളിലുള്ള ബിലീവേഴ്സ് ഈസ്റ്റേണ്‍ സഭയുടെ 40 സ്ഥാപനങ്ങളിലാണ് ആധായ നികുതി വകുപ്പിന്റെ പരിശോധന. രാവിലെ ആറര മുതലായിരുന്നു പരിശോധന. സഭയുടെ ഉടമസ്ഥതയിലുള്ള സ്‌കൂളുകള്‍, കോളേജുകള്‍, ട്രസ്റ്റുകളുടെ ഓഫീസുകള്‍ എന്നിവിടങ്ങളിലും ബിഷപ്പ് കെ.പി. യോഹന്നാന്റെ വീട്ടിലും അദായ നികുതി വകുപ്പ് പരിശോധന നടത്തി. തിരുവല്ലയിലെ സഭ ആസ്ഥാനത്ത് നിന്ന് കണക്കില്‍പ്പെടാത്തതെന്ന് കരുതുന്ന അരക്കോടിയലധികം രൂപ പിടിച്ചെടുത്തു. തിരുവല്ലയിലെ ആസ്ഥാനത്തെ വാഹനത്തിന്റെ ഡിക്കിയില്‍ നിന്നാണ് 57 ലക്ഷം രൂപ പിടിച്ചെടുത്തത്. പരിശോധന നടത്തിയ സ്ഥാപനങ്ങളില്‍ നിന്നും സാമ്പത്തിക ഇടപാടിനെ അടക്കം വിവിധ രേഖകളും കണ്ടെത്തി. വിദേശത്ത് നിന്നും സാമ്പത്തിക സഹായം സ്വീകരിച്ചതില്‍ സ്ഥാപനം സമര്‍പ്പിച്ച കണക്കുകളില്‍ വൈരുദ്ധ്യം കണ്ടെത്തിയിട്ടുണ്ട്. ഇതിനെ തുടര്‍ന്നാണ് പരിശോധന നടന്നത്. കേരളത്തിലെ ആദായ നികുതി വകുപ്പ് ഉദ്യോഗസ്ഥര്‍ക്ക് പുറമേ മറ്റു സംസ്ഥാനങ്ങളില്‍ നിന്നുള്ള ഉദ്യോഗസ്ഥരും പരിശോധന സംഘത്തിലുണ്ട്. ഇവര്‍ സമ്പത്തിക സഹായം ചെയ്ത കോട്ടയം കേന്ദ്രമാക്കി പ്രവര്‍ത്തിക്കുന്ന ഒരു മാധ്യമ സ്ഥാപനങ്ങളുടെ വിവിധ ഓഫിസിലുകളിലും ആ സ്ഥാപനത്തിന്റെ മുന്‍ സിഇഒയുടെ വീട്ടിലും റെയ്ഡ് നടത്തിയിരുന്നു. ഈ സിഇഒ പ്രവര്‍ത്തനത്തില്‍ സംശയം തോന്നിയ മാനേജ്‌മെന്റ് ഒരു സുപ്രഭാതത്തില്‍ ഇയാളെ ഒഴിവാക്കുകയായിരുന്നു. ഇയാളുടെ ആശയപ്രകാരം തുടങ്ങിയ ചാനല്‍ ഇയാളുടെ അതിബുദ്ധികാരണം അന്ന് തന്നെ പൂട്ടിയ അവസ്ഥയിലായി. ചാനലിലേയ്ക്ക് ബിഷപ്പ് പണം മുടക്കി എന്നാണ് സൂചന. ഇതിന്റെ ചില സൂചനകള്‍ ലഭിച്ചതായിട്ടാണ് വിവരം. മുന്‍പ് ആ പത്രത്തില്‍ കെ.പി.യോഹന്നാനെതിരെ വാര്‍ത്ത എഴുതുകയും പിന്നിട് പരസ്യം ഉറപ്പിച്ച് അനുകൂലമായ നിലപാടും സ്വീകരിച്ചതാണ് സംശയത്തിന് ഇട നല്‍കിയത്. ഇത് പിന്നില്‍ മുന്‍ സിഇഒ ആണെന്ന് നേരത്തെ തന്നെ പുറത്ത് വന്ന പരമമായ രഹസ്യമാണ്.