അത് സ്വപ്‌നയെന്ന് ഉറപ്പിക്കാതെ ജയില്‍ വകുപ്പ്

സ്വര്‍ണക്കടത്ത് കേസിലെ പ്രതി സ്വപ്ന സുരേഷിന്റെ പുറത്തുവന്ന ശബ്ദരേഖ അവരുടേത് തന്നെയെന്ന് ഉറപ്പിക്കാതെ ജയില്‍ വകുപ്പിന്റെ റിപ്പോര്‍ട്ട്.
ശബ്ദം തന്റെതിന് സാമ്യമുണ്ടെന്ന് സ്വപ്ന പറഞ്ഞെന്നാണ് ജയില്‍ ഡിഐജിയുടെ റിപ്പോര്‍ട്ടില്‍ പറയുന്നത്. ഈ സാഹചര്യത്തില്‍ നിജസ്ഥിതി കണ്ടെത്താന്‍ അന്വേഷണം വേണമെന്നാണ് ജയില്‍ വകുപ്പ് പറയുന്നത്.

താന്‍ ഇങ്ങനെ എപ്പോള്‍ ആരോട് പറഞ്ഞെന്നോ ആര് റെക്കോഡ് ചെയ്‌തെന്നോ അറിയില്ലെന്നാണ് സ്വപ്നയുടെ വിശദീകരണം. അതിനാല്‍ ഉറവിടം കണ്ടെത്താന്‍ പൊലീസ് അന്വേഷണം വേണമെന്ന് ജയില്‍ മേധാവി ഋഷിരാജ് സിങ് ആവശ്യപ്പെട്ടു.

ശബ്ദരേഖ വ്യാജമായി തയാറാക്കിയതാണെന്ന് സ്വപ്നയ്ക്ക് പരാതിയില്ലാത്തതിനാല്‍ അതില്‍ ഒരു കുറ്റകൃത്യമില്ല. മാത്രവുമല്ല, ശബ്ദരേഖ പുറത്തുവിട്ടതില്‍ പരാതിയുണ്ടെന്ന് സ്വപ്ന പറഞ്ഞിട്ടുമില്ല. ഈ രണ്ട് സാഹചര്യത്തില്‍ എങ്ങനെ കേസ് എടുക്കമെന്ന് തീരുമാനം ആയിട്ടില്ല.

എന്നാല്‍ ഡിജിപി റാങ്കിലുള്ള ജയില്‍ മേധാവി നല്‍കിയ പരാതി എഴുതി തള്ളാനുമാവില്ല. അിതനാല്‍ നിയമപരമായകാര്യങ്ങള്‍ പരിശോധിച്ചാവും ഇതിലേക്ക് നീങ്ങുക.